Energiezh an heol
Energiezh an heol a zo energiezh degaset gant al lodenn eus ar skinoù heol a zegas energiezh termek ha gouloù betek gorre an douar, goude bezañ bet silet gant atmosferenn an douar.
![](http://upload.wikimedia.org/wikipedia/commons/thumb/e/e3/Panneaux_photovolta%C3%AFques.jpg/220px-Panneaux_photovolta%C3%AFques.jpg)
An doare pennañ da broduiñ tredan gant an heol eo ar panelloù fotovoltaek. Energiezh an heol zo un energiezh nevezadus hag a c'heller implijout dizehan hep saotrañ an Natur tro-dro. An energiezh nevezadus ar muiañ implijet eo : en ur ober bloaz e vez bevezet gant ar blanedenn dek miliard a donennoù kevatal petrol (Tonnes équivalent pétrole (Tep)), da lâret eo 3% eus ar pezh a vez profet deomp gant an heol bemdez. An energiezh-mañ a vo nevezadus ken ma vo an heol o lugerniñ, da lâret eo war-dro 4,5 miliard a vloavezhioù. Un tu mat eus energiezh an heol ivez eo n'eus banne dioksidenn garbon (CO2) ebet dilaosket en aergelc'h. Meur a implij a vez eus an tredan produet gant an heol, da skouer ez eus tu d'en em dommañ, pe c'hoazh lakaat an tredan en ti evit espern arc'hant pe traoù all ivez.