Félicien Rops
Félicien Rops (7 a viz Gouere 1833 e Namur – 23 a viz Eost 1898 en Essones, Corbeil-Essonnes hiziv an deiz) a oa ul livour, skeudennaouer ha treser belgiat.
.jpg)
1878
E vuhez kemmañ
Kregiñ a reas Rops evel treser flemmskeudennoù er gazetenn Le Crocodile, ha skeudennaouiñ a reas ivez levrioù e vignon Charles de Coster, evel Légende et les aventures d'Uylenspiegel (1866).
Dedennet e oa gant al louzawouriezh, ha war an dachenn-se e pleustras gant an embanner gall Auguste Poulet-Malassis, hag en doa ranket mont da repuiñ e Brusel etre miz Gwengolo 1863 ha miz Mae 1871. Evitañ e savas meur a dalbenn: da skeudennaouiñ oberennoù evel Les Bas-fonds de la société gant Henry Monnier (1864), Le Diable au corps gant Andrea de Nerciat (1865), Épaves gant Charles Baudelaire (1866), Jeunes France gant Théophile Gautier (1866), Gamiani gant Alfred de Musset (1866) hag ivez Point de lendemain gant Vivant Denon (1867).
Mignon d'an arkeologour Maurice Hagemans e oa, hag asambles e veajjont e Sveden hag e Norvegia e 1874. Tresañ ha livañ a reas ivez war vord ar stêr Meuse, hag an Danav, e Barbizon, Monte-Carlu, Spagn hag en Aljeria.
E-touez e engravadurioù brudetañ emañ La Peine de mort, L'Ordre règne à Varsovie, La Médaille de Waterloo, La Buveuse d'absinthe, La Grève, Pornokratès pe Mors syphilitica.
A-drugarez d'ar berzh a reas ez eas da Bariz, ma skeudennaouas oberennoù gant Jules Barbey d'Aurevilly, Joséphin Péladan, Félicien Champsaur ha Stéphane Mallarmé. Daoust ma skeudennaouas oberennoù skrivagnerien vrudet ne voe ket brudet dre ma oa orgedus e oberennoù.
E 1857 e timezas gant Charlotte Polet de Faveaux, ha daou vugel a voe ganet : Paul ha Juliette, hag a varvas pa oa bihan. Dispartiañ a rejont e 1875, hag azalek ar mare-se e vevas Rops gant ar c'hoarezed Léontine hag Aurélie Duluc, krouet ganto un ti dilhadouriezh.
E Brusel e krouas Kevredigezh etrevroadel al livourien dour-kreñv e 1869, hag unan eus krouerien Strollad an XX e 1883, e voe ivez.
Azalek 1892 ez eas e weled war fallaat, met kenderc'hel a reas da labourat bete e varv. El lizheroù a eskemmas gant e vignoned e weler e oa un den desket ha berv ennañ.
E Namur ez eus ur mirdi gouestlet dezhañ ha d'e oberenn. E Mettet e c'haller gweladenniñ ivez ar c'hastell m'edo o chom, gant Charlotte Polet de Faveaux.
Levrlennadur kemmañ
- Benoît Noël et Jean Hournon : Parisiana - La capitale des peintres au Patrom:S- (Étude de Pornokratès), Les Presses Franciliennes, 2006
- Bernadette Bonnier (dir.) : Le musée provincial Félicien Rops, Dexia – Fonds Mercator, 2005
- Benoît Noël : La Rebuveuse d'absinthe - autour de l'oeuvre de Félicien Rops, Éditions BVR, 2005
- Hélène Védrine : Le Cabinet de curiosités de Félicien Rops - Caprice et fantaisie en marge d'estampes, , Somogy, 2003
- Véronique Leblanc et Hélène Védrine : Injures Bohêmes - Les plus belles lettres illustrées de Félicien Rops, Somogy, 2003
- André Guyaux, Hélène Védrine et al. : Autour des Epaves de Charles Baudelaire, Catalogue Musée Provincial Félicien Rops, 1999
- Bernadette Bonnier, Véronique Leblanc, Didier Prioul, Hélène Védrine : Rops suis, aultre ne veulx estre, Complexes, 1998
- Hélène Védrine : Félicien Rops : Mémoires pour nuire à l'histoire artistique de mon temps, Labor, 1998
- Véronique Leblanc : D’Art, de Rimes et de Joie - Lettres à un ami éclectique - Correspondance de Félicien Rops à Théodore Hannon, 1996
- Olivier Salazar-Ferrer : Lettres à un ami vagabond - Correspondance de Félicien Rops à Jean d'Ardenne, Musée Rops, Namur ha Revue Agone, 1994
- Thierry Zéno - Préface de Jean-Pierre Babut du Marès : Les Muses sataniques - Félicien Rops, œuvre graphique et lettres choisies, Jacques Antoine, 1985
- Robert Delevoy, Gilbert Lascault, Jean-Pierre Verheggen et Guy Cuvelier : Félicien Rops, Lausanne – Paris, Bibliothèque des Arts, 1985
- Camille Lemonnier : Félicien Rops - L’homme et l’artiste, Henri Floury, 1908. Adembannet e 1997
