Henrik Pontoppidan
Henrik Pontopiddan a oa ur skrivagner danek hag en deus bet Priz Nobel al lennegezh a-gevret gant Karl Adolph Gjellerup. Ganet e oa bet d’ar 24 a viz Gouere 1857 ha marvet e oa d’an 21 a viz Eost 1943.
Henrik Pontoppidan a oa bet ganet e Fredericia, e ledenez Jylland, mab d’ur pastor. Goude bezañ labouret evel skolaer ha goude-se evel kazetenner, e teuas da vezañ skrivagner leun-amzer adalek 1881. Beajiñ a reas kalz dre Europa.
Henrik Pontoppidan a voe unan eus ar skrivagnerien naturelour kentañ e Danmark. En e oberennoù e taolennas e vro en e amzer, buhez ar re baour koulz hag hini hag ar re binvidik. Er bloavezh 1917 e voe roet dezhañ Priz Nobel al lennegezh, a-gevret gant Karl Adolph Gjellerup.
Mervel a reas Henrik Pontoppidan e Kopenhagen.
Un nebeud eus e skridoù kemmañ
- Sandinge Meninghed (romant, 1883)
- Fra Hytterne (danevell, 1887)
- Isbjørnen (romant, 1887)
- Det forjættede Land (romant e 3 levrenn, 1891-1895)
- Lykke-Per (romant en 8 levrenn, 1898-1904)
- De Dødes Rige (romant e 5 levrenn, 1912-1916)