Hipolenn
Hipolenn zo ur gevredigezh savet e miz Genver 2007 evit broudañ ar vugale da lenn brezhoneg, dre ginnig dezho levrioù ma vez peget brezhoneg war ar galleg.
Palioù Hipolenn
kemmañHipolenn zo he fal :
- Pinvidikaat an dastumad levrioù brezhonek evit ar vugale o treiñ teñzorioù al lennegezh yaouankiz a vremañ e brezhoneg .
- Kinnig abadennoù lenn pe kontañ e brezhoneg er skolioù, el levraouegoù, er saloñsoù lennegezh...
- Krouiñ ul levraoueg-bale gant levrioù yaouankiz e brezhoneg a vefe prestet d'ar c'hampoù vakañsoù, d'ar skolioù, d'ar stajoù brezhoneg…
- Kizidikaat al levraouegoù ouzh al lennegezh e brezhoneg evit ar vugale : broudañ diorren an dastumad levrioù brezhonek, skoazellañ an aozañ abadennoù, kizidikaat ouzh al lenn brezhonek ar vrezhonegerien a-vihanik a-youl vat a lenn levrioù evit ar vugale el levraouegoù (rouedad "Lire et faire lire" da skouer).
Mont en-dro ar gevredigezh
kemmañGant izili ar c’huzul-merañ e vez kenurzhiet labour ar gevredigezh hag aozet abadennoù lenn. E 2008, edo er c'huzul-merañ Morwena Audic, Katell Chantreau (sekretourez), Christophe Guillas, Laurence Guillo (prezidantez), Nicolas Hyon (teñzorour).
Skoazellet e vez ar c'huzul-merañ gant ar bodad treiñ hag adlenn, ennañ Stefan Alliot, Morwena Audic, Tudual Audic, Katell Chantreau, Sarah Chedifer, Maxime Crahe, Erwann Denez, Nicolas Hyon, Jean-Do Robin.
Forzh peseurt den a fell dezhañ, brezhoneger ha plijet gant al levrioù, a c'hell dont e-barzh skipailh Hipolenn evit kemer perzh en dibab levrioù, el labour treiñ, el labour maketenniñ an troidigezhioù ha kempenn al levrioù, pe c'hoazh evit buheziñ abadennoù lenn.
Liammoù diavaez
kemmañ- Lec'hienn Hipolenn
- Friko ar bleizi, war lec'hienn Hipolenn, troet gant Jean-Dominique Robin
|
Porched Breizh – Adkavit pennadoù ha rummadoù Wikipedia a denn da Vreizh. |