Istor Brezel Peloponnesos

Istor Brezel Peloponnesos zo ul levr gant Toukidides, hag a zo kontet ennañ Brezel Peloponnesos en Henamzer.

Eilenn eus un dornskrid eus an dekvet kantved eus oberenn Toukidides.

20 vloaz e padas ar brezel-se etre

• Kevre Peloponnesos, a oa renet gant Sparta
• ha Kevre Delos, gant Aten er penn.

Skrivet eo bet an oberenn-se gant Toukidides, ur c'heodedour atenat a oa bet strategour e-doug ar brezel-se. Sellet e vez ouzh al levr-se evel un oberenn glasel a-bouez hag evel ar c'hentañ oberenn istor hervez ar ster modern.

Rannoù

Rannet e oa an Istor en eizh levrenn gant embannerien eus diwezh an henamzer.

Evit an amzeroniezh ez eus teir lodenn en oberenn:

• ur brezel dek vloaz (levrioù I-V.24),
• un arsav-brezel seizh vloaz (ar peurrest eus al levrenn V)
• an eil brezel a badas dek vloaz all (levrioù VI-VIII).

Ul levr a-bouez

En Istor Brezel Peloponnesos eo dezrevellet ar brezel bras kentañ a chom ur roud skrivet a dalvoudegezh anezhañ.

Kontet eo ar brezel gant an istorour atenat adalek penn kentañ ar brezel betek ar bloaz 411 kent JK. E penn kentaén ar brezel e oa an oberour o c'hourc'hemenn an arme, hag e oa mignon da Berikles. E 424 e voe harluet pa ne oa ket bet gwarezet ur gêr gantañ evel ma oa dleet.

Adalek neuze e krogas da skrivañ e levr.

Eus labourioù an istorourien arall a gendalc'has gant e labour. Ne chom nemet Hellenika an istorour Xenophon, a ya eus 411 da 362 kent JK, met n'eo ket prizet kement, abalamour d'ar pezh a guzh, pe d'an diouer a neptuegezh.

Liammoù divaez

• Lewis, John Thucydides and the Discovery of Historical Causation January 6, 2004

Troidigezhioù

• Thomas Hobbes, 1628: testenn glok
• William Smith, 1753
• Richard Crawley, 1874: testenn glok
• Benjamin Jowett, 1881: testenn glok
• Edgar C. Marchant, 1900
• Charles Forster Smith, 1919
• Rex Warner, 1954
• John H. Finley, Jr., 1963
• Walter Blanco, 1998