Izabel Stuart, pe Izabel Bro-Skos, ganet entre 1425 ha 1427 ha marvet en 1494, a oa priñsez eus Bro-Skos ha dugez Breizh.

Izabella Stuart
Izabel o pediñ

Merc'h e oa da Jakez Iañ Skos ha da Jeanne Beaufort, dugez e voe entre 1442 ha 1450 dre ma oa dimezet da Frañsez ar C'hentañ, dug Breizh. Mamm e oa da Mari Breizh

He buhez kemmañ

Brudet e oa kened he c'hoar henañ, Marc'harid Bro-Skos, dimezet da 11 vloaz d'an daofin gall, a voe roue diwezhatoc'h, hogen kaeroc'h c'hoazh e veze kavet Izabel ha setu an dug Yann V da c'houlenn he dorn evit e vab Frañsez Iañ. Hag eñ da gas kannaded da Skos evit ma teufent goude da zegas keloù dezhañ eus gwir goantiz ar plac'h. Deuet en-dro setu ar gannaded da gontañ e oa ur plac'h kaer, serzh (unan dort a vije bet dizereat), grasius, nemet berr a spered. Ma respontas an dug:

Ma mignoned, kit da Skos en-dro ha degasit-hi, bez ez eo kement tra a c'hoantaan, n'em bo hini all, ho maouezed zo speredek ha muioc'h a zroug eget a vad a reont.

Ha dimezet e voe Izabel da Frañsez e kastell an Alre d'an 30 a viz Here 1442, goude ez eas al lez da Roazhon, ha fest a voe e-pad eizhtez. Tri bloaz goude, e 1445, pa varvas he c'hoar Marc'harid Bro-Skos e Bro-C'hall, e skrivas Izabel ul levr pedennoù aourlivet.

Pa varvas he fried Frañsez ar C'hentañ en 1450, ha hi 25 bloaz, en em dennas Izabel da Wened en un ti savet gant ar c'hañseller Jean de la Rivière. Ti an teir dugez a lavarer eus an ti.

Mervel a reas en 1494 ; beziet e voe en Iliz-veur Gwened.

Bugale kemmañ

Daou vugel o doe Izabel ha Frañsez:

Liammoù diavaez kemmañ


 
Commons
Muioc'h a restroù diwar-benn

a vo kavet e Wikimedia Commons.