Ronan

For other languages, consider using Wikipedia:Babel

Salud, Ronan, Un degemer c'hwek a roomp dit war ar Wikipedia e brezhoneg
Demat, Ronan. Trugarez da gemer perzh er raktres. Spi hon eus e vi plijet o labourat ganeomp hag e vi en da vleud amañ.
Un holloueziadur savet a-stroll eo Wikipedia e brezhoneg. Frank a wirioù eo an danvez a gaver ennañ. Savet eo bet d'an 22 a viz Mezheven 2004; abaoe ez eus bet diazezet gant ar gumuniezh meur a bennaenn evit kenlabourat. Ma'z out nevez war ar wiki, kemer un tamm amzer evit lenn diwar-benn an temoù da-heul, a-raok kregiñ da gemer perzh da vat e Wikipedia. Gra gant patromoù Babel evit lakaat war wel ar yezhoù komzet ganit.
	Kregiñ ganti Ober e gammedoù kentañ		Takad pleustriñ Evit ma c'hallfes ober taolioù-esae
	Program skoazell. Goulenn bezañ skoazellet gant unan bennak evit kregiñ ganti		Desk penaos degas kemmoù en ur bajennn Titouroù evit cheñch traoù war pajennoù ar wiki
	Fazioù boutinañ a ranker diwall outo Diverrañ eus ar fazioù boutinañ stadet war ar wiki		Foar ar Goulennoù Goulennoù a vez graet gant an holl
	Reolennoù Wikipedia Reolennoù aprouet gant ar gumuniezh		Tavarn Ma c'hallez goulenn tra pe dra ouzh ar wikipedourien all
	Pemp pennaenn Wikipedia Reolennoù diazez mat da c'houzout		Skoazell Dornlevr hollek Wikipedia
Homañ eo da bajenn gaozeal, ma c'hallez resev kemennoù a-berzh Wikipedourien all. Mar fell dit leuskel ur gemennadenn d'ur wikepedour all eo ret dit skrivañ war e bajenn gaozeal dezhañ; a-hend-all, ne ouio ket. E traoñ da gemennadenn e tleez sinañ gant peder ~~~~ pe pouezañ war ar bouton-mañ : . Dalc'h soñj ne vez ket sinet ar pennadoù.

Spi hon eus ez po plijadur war Wikipedia e brezhoneg.

Benoni 28 Ebr 2007 da 10:40 (UTC)

Donemat dit amañ

Plijet on gant ar buhezioù-tud, setu ma lennin ar re a savi, ha c'hwennat diouzh ezhomm. Un ali: klask kempenn evel-hen : Georg Simon Ohm a oa ganet d'ar 16 a viz Meurzh 1789 en Erlangen. Trugarekaat, ha plijadur o lenn hag o skrivañ. Bianchi-Bihan 30 Ebr 2007 da 16:31 (UTC)

Hopala paotr Ronan penaos eo? ~~dishual

Rummadiñ ha liammoù etrewiki

Demat. Trugarez evit da bennadoù. Ur c'huzulig: pa saves ur pennad arabat disoñjal lakaat rummadoù dezhañ, na liammoù etrewiki (liammoù davet ar pennad eñvel war ar wikipediaoù all). Evit al liammoù etrewiki ez eo trawalc'h kopiañ anezho war ur wikipedia all (kavet e vezont atav e traoñ tout ar bajenn, hag ar pezh a vez kavet war ar wiki saosneg a zo kazi atav ar c'hlokañ). Evit ar rummadoù, mat eo klask en a-raok ar rummadoù a zo anezho dija evit chom hep krouiñ rummadoù diezhomm. A galon,Benoni 30 Ebr 2007 da 17:34 (UTC)

Trugarez bras eus da guzulioù, hogen, n'on ket gwall ampart war ar sevel pennadoù c'hoazh, setu perak ne lakaan ket rummadoù d'am fennadoù: ne ouezon ket penaos ober... Ma vefe tu di/deoc'h lavaret din penaos ober, e vefe kountan bras da wellaat va fenadoù.

Graet 'm eus evit Priz Nobel ha Medalenn Copley da skouer. Gwelet ar c'hemmoù kaset ganin amañ: Medalenn Copley ha Priz Nobel. Mod all, er pajennoù kaozeadenn, arabat disoñjal sinañ gant ~~~~.Benoni 30 Ebr 2007 da 17:54 (UTC)

Ok, trugarez, d'am sñ ez on deuet a benn war pajenn Weber da lakaat un nebeut liammoù etrewiki ha rummadoù. Hogen ur gudennig ' zo memestra, ma c'hellez taoler ur sell.

Protezenn

Amañ Neal ^(Kaozeal) 1 Mae 2007 da 08:44 (UTC)

Infobox bag dre lien

Ur patrom am eus krouet evidout amañ: Patrom:Infobox bag-dre-lien. Tro pep tra e brezhoneg, ha war-lerc'h e c'helli e lakaat er pajennoù. Paket eo bet ar bajenn-se ganin amañ: fr:Modèle:Infobox voilier, setu kemer harp war skouer ar pezh zo bet graet e galleg. Kalon vat dit! Sikour a rin ma sav kudennoù.Benoni 19 Mae 2007 da 18:01 (UTC)

Isaac Nexton ha kement zo

Trugarez evit ar reizhadennoù. 'M eus aon ne oan ket gwall dihunet hag ouzhpenn e oa mall warnon! Traouigoù avat am eus dalc'het pe lakaet a-nevez abalamour ma hañvalont reishoc'h din evel ma'm boa o skrivet. A galon--Kadwalan 6 Mez 2007 da 17:54 (UTC)

Trugarez evit Ishiwara

Trugarez vras dit evit da boltred eus Kanji Ishiwara, abaoe 3 sizhun e glaskan unan e barzh levrioù kozh, ar rouedad, paperioù kozh...ha netra. Ne ouezhan ket e pelec'h out bet d'he c'havout met sapre dielloù az peus se'zo sur. Gourc'hemennoù pe me oar me ne ouezan ket petra lar dit ken estonnet on eus ar poltred-mañ. Trugarez c'hoazh. --Gwendal.P 12 Mez 2007 da 11:23 (UTC)

Skeudennoù

An diskoulm a zo bihanaat ar skeudennoù (dre bihanaat ar sifr a-raok px). Pe neuze lammat linennoù wenn etre ar rannbennadoù. Benoni ^(Kaozeadenn) 12 Mez 2007 da 17:12 (UTC)

Trugarez evit da skeudennoù, met d'am soñj an diskoulm gwellañ a zo memestra bihanaat ar skeudennoù evit skañvaat ar pajennoù , Benoni ^(Kaozeadenn) 12 Mez 2007 da 17:42 (UTC)

roll tudoù

A-du on labourat war da roll: klokaat a rin gant tudennoù (tud dianavezet met pouezhus a kavan memestra a lakin e-barzh) met evidon ar pouezhusañ eo dont a-benn da gaout er rolloù-se liammoù war-zu pennadoù klok. Framm al lec'hienn a zo pouezhus met ma n'eus netra evit e vouetañ...Met c'hoant ameus sevel rolloù resisoc'h evit broioù evel Bro-Japan pe Bro-Alamagn (da skouer roll an SS, roll an dreist-speredoù ha damkannerien uhel eus an eil brezel bed, hag all, hag all...). E-pad ar vakansoù e klaskin labourat startoc'h c'hoazh met n'am eus ket c'hoant labourat nemet war an eil brezel bed. Ober a rin traoù diwar-benn ar brederouriezh, istor Bro-Iwerzhon, al lennegezh, an arzoù, ar sinema, an istor dre vras forzh peseurt mare e vefe, hag all, hag all. A-benn ur wech all war bed wikipedia. --Gwendal.P 13 Mez 2007 da 07:35 (UTC)

AD:roll

D'am soñj e vefe un dra ret kaout ur bajenn gwelloc'h evit Adolf Hitler, gouzout a rez piv a labour warni ? E mod-all e klaskin sevel pennadoù war an dreist speredoù eus an eil brezel bed:jeneraled amerikan, strategourien ha damkannerien (Von Rundstedt, Goebels, Joukov, Von Paulus, Shumei, Tojo, hag al, hag all. Met mat e vefe urzhiañ ha dasparzhañ al labour a zo d'ober etrezomp evit bezañ efedusoc'h, klask sevel strolladoù labour. --Gwendal.P 13 Mez 2007 da 08:10 (UTC)

Tud

Anaout a ran ur bern: da skouer ar pennad Yamamoto n'am eus ket graet evit gwir met labouret am eus war pennadoù gant ur c'hamalad din hag a zaio a-benn nebeut da glokaat hini war Roosevelt ha labourat a rin gantañ evit pennadoù all eus an eil brezel bed (Egor e añv war al lec'hienn), anaout a rez marteze Malo hag a zo o skrivañ pennadoù diwar-benn ar strolladoù rock met enouestlet am eus anezhañ evit labourat war an SS. Unan all a labouro war istor an Henamzer hag a labouro sur awalc'h ganin war pennadoù war ar sinema. Ar bloaz a zeu e vo tu aozañ da vat gwir strolladoù labour gant tud en o penn evit o aozañ hag o urzhiañ (kelennerien a zo prest da sikour ac'hanomp ivez). Met dija e vo tu deomp labourat start e-pad ar vakansoù. Met Soig a lare din poa c'hoant aozañ ur sort emvod "wikipedia" e pad ar vakansoù. Ma z'eo gwir e anavezan ur bern tud a vefen prest ha gouest da vont. --Gwendal.P 13 Mez 2007 da 10:01 (UTC)

Poltredoù

Trugarez vras evit ar poltredoù met ha sur out n'eus ket gwirioù miret gant YF pe un all war o implij???--Kadwalan 13 Mez 2007 da 14:12 (UTC)

Kavet 'm eus anezhi war meur a lec'hienn (tu zo pellgargañ ar skeudenn war:[1], ha kemet em eus un tammig ar stumm, a hend all ne c'hellan ket bezañ sur da 100%... --Ronan 13 Mez 2007 da 14:14 (UTC)

Peur an emvod ?

Lar din dija peur e vo tu dit en em zieubiñ (un dibenn sizhun bennak pe me oar me...) ha kelaouiñ a rin ar re all met bevañ a reont pell awalc'h (unan a zo o chom e kostez Naoned!) ha n'eo ket rediet en em gavout gant toud an dud ma z'eomp ur skipailhig e vo trawalc'h. Ar bloaz a zeu el lise e vo aozet ur seurt "bodad" wikipedia gant tud oc'h aozañ an traoù en un dore sirius. Neuze en emvod e c'hellimp ivez rak-prientiñ un dra bennak evit termeniñ mont en dro an dra. Evidout ped den eo ret deomp kaout d'an nebeutañ en emvod-se ? Mod-all e-keñver al lec'h e klaskin ul lec'h bennak met n'on ket sur da gavout un dra. --Gwendal.P 13 Mez 2007 da 18:58 (UTC)

Met ur gudenn'vo, rak ul lodenn vat eus ar re a du da labourat war wikipedia n'o deus ket internet er ger met e labouront war al lec'hienn el lise. Ha pa labouront er ger eo gant pajennoù moulet pe luc'heilet da dreiñ e brezhoneg. Neuze ma reomp an emvod war internet, ul lodennig a vo rediet da lar d'unan bennak komz en e/o anv. An tabud hag ar mennozioù vint ket ken pinvidik eget ma vefe graet e lec'h ma vo tu d'en em welet da gemer an amzer, hag all, hag all. Evidon ar gwellañ tra d'ober zo da gavout ul lec'h resis, hag aze ma vank tud e vo aesoc'h da gomz en o añv eget war internet. Mod all, daoust hag peus dija komzet gant Lomig, ar c'helenner war ar skiantoù ? Rak eñ a zo mennet evit ober un dra bennak el lise war wikipedia. A-benn ur wech-all war wikipedia --Gwendal.P 14 Mez 2007 da 09:39 (UTC)

Gell a ran lar dit dija e c'hellan tapout sallioù'zo evit emvodoù en un doare aes kennañ. Met ar gudenn nemetañ: n'ee eus ket internet el lec'hioù-mañ. Gell a ran tapout ul lec'h gant internet met bihan kennañ eo ha diaes e vo ober un emvod ennañ. Marteze gant un urzhiater e-zoug e vefe posubl en ur sal brasoc'h... Mod all e-keñver an niver a-dud, ganin e barzh ar gont omp 5, ganit ha gant Soig e raio 7 (marteze e vefe dedennus pediñ Lomig ?). Met en hon douez 2 zo o vevañ e Naoned, 1 e Su Kemper hag unan all e Pempoul. Ar salioù a c'hellan tapout, emaint tro dro da Lesneven ma n'eo ket e-barzh. A-benn ur wech-all war wikipedia --Gwendal.P 14 Mez 2007 da 18:11 (UTC)

E-keñver an dud, evel ar pezh az peus gwelet, e vevont e kornioù-bro disheñvel kennañ, goulenn a rin dezho ma c'helint met forzh peanos tu'zo klask ul lec'h tostoc'h ma Lesneven a zo re bell. Ha rediet omp da gaout ul liamm gant internet er sal ? Pe mod all ma vez ket kavet, ha ma Lomig c'helfe dont e vefe tu (marteze n'eo ket reizh da 100%) goulenn ur sal el lise rak en devezhioù o tont e vo atav tud o labourat el levraoueg pe er sekretourva. A-benn ur wech all. --Gwendal.P 14 Mez 2007 da 21:00 (UTC)

Mouezhiadeg

Trugarez da vezañ votet evidon. A galon --Kadwalan 15 Mez 2007 da 09:42 (UTC) Diwan: d'am soñj out faziet etre Dinan ha Dinarzh. Bianchi-Bihan 20 Mez 2007 da 21:18 (UTC)

Skeudenn:Ledañ al lec'hedoù.jpg

Hi! I'm Cecil, an admin at Wikimedia Commons. Some people of the German Wikipedia would like to use some of your sailing pictures and asked me to transfer them to Commons where all Wikimedia projects can use them. But now looking at them I had to notice that none of your pictures contain a licence, source and author, which not only forbids the usage at Commons but on all wikimedia projects (which would include this one). Could you please fill out those missing information? -- Cecil 7 Du 2007 da 06:21 (UTC)

Hi. Thanks for the fast reply. What kind of licence (Commons:Kemennoù statud ar skeudennoù) would you like to put them under for the use on Commons? I could recommend a double licencing under GFDL and CC-by-sa-2.0 (which is what I use for my pics), but there are also things like PD, CeCILL or CopyrightedFreeUse. -- Cecil 9 Du 2007 da 21:41 (UTC)

poltrejer

Salud. Talvoudus ar pennadoù. Respontet em eus ac'hanout war bajenn ar gaozeadenn. Evit ar ger "poltrejer" avat e kav din n'eo ket gwall vat en titloù. Gwelloc'h tremen heptañ pe ober gant "luc'hskeudennerez" pe neuze skrivañ "poltreder" (e-giz-se e skriver diantav). A galon--Kadwalan 16 Gen 2008 da 17:45 (UTC)

Salud dit, faziet on c'hoazh o skrivañ poltreder (distagañ a ran poltrejer...), met ar ger poltreder a zeblant reizh a-walc'h din (n'ouzon ket ma'z out a-du ganin), rak klevet em eus bet tud a vicher oc'h ober gant ar ger-se. Ha aesoc'h eo da lavaret eget lurc'hskeudennerez... Setu, ma c'hellfes cheñch (pe displegañ din) ar ger en titloù, ez trugarezfen. --Ronan 16 Gen 2008 da 17:52 (UTC)

Boden, Mat eo ar ger din-me ivez ma 'peus c'hoant, peogwir e vez implijet gant an dud. Gwir eo ez eo berroc'h. ez an da reizhañ an titloù. Petra soñj dit eus ober gant "poltreder stumm" e-lec'h kompakt? Stumm, anv-gwan, a dalvez bihan a vent, compact kea. --Kadwalan 16 Gen 2008 da 18:00 (UTC)

N'on ket paotr brezhoneg Preder, en anzav a ran... pa c'hallan tremen hep ober gantañ (peurliesañ). Amañ e vefe gwell ober gant stumm, a dalvez bihan, na gemer ket kalz a blas. Tuzum e Geriadur an Here a dalvez kentoc'h pounner, tev, ha n'eo ket ster ar ger compact tamm ebet. Fetis zo kinniget gant geridur R. Hemon met ne zegouezh ket. damheñvelster eo gant tuzum kentoc'h amañ.--Kadwalan 16 Gen 2008 da 18:11 (UTC)

Mat. "Paker" eo ar ger evit "sensor/senseur". Ar ger galleg senseur a zeu eus ar ger saoznek gallekaet met capteur a vez lâret sañset.--Kadwalan 16 Gen 2008 da 18:18 (UTC)

Tebez

Trugarez da zont da reiñ an dorn din mar karez war pajenn kaozeadenn thebai. Soñjal a ra din out kizidik eveldon ouzh implij reizh ar c'heriaoueg hag an anvioù diazezet mat e brezhoneg dija. Amañ e vije difennet ober gant Tebez. Tebez eo ar stumm implijet e brezhoneg e Diwan hag a gaver e geriadur R . Hemon.
Hervez Neal e vefe arabat ober gant stummoù digemeret er geriadurioù abalamour ma vije bet votet doujañ ouzh ar stummoù orin eus an anvioù e gresianeg pa saver pennadoù. Ankouaat a ra e oa votet ar reolennoù-se evit an anvioù na oant ket anavezet e brezhoneg. --Kadwalan 28 Gen 2008 da 14:12 (UTC)

Trugarez da gentañ da vezañ kemeret perzh er gaozeadenn-se. Kavout a ri ma respont war bajenn kaozeal thebai--Kadwalan 5 C'hwe 2008 da 11:14 (UTC)

Diwan

Marteze e c'halli teurel ur sell ouzh ar pennad e galleg? A galon. Bianchi-Bihan 26 Meu 2008 da 22:35 (UTC); N'eus ket mall. Pa gari. Bianchi-Bihan 26 Meu 2008 da 22:45 (UTC)

Izili nevez

Aet on bremaik da gas komzoù aviel Wikipedia betek Lise Karaez, evit broudañ al liseidi da gemer perzh er raktres, ha dreist holl evit lañsañ an traoù. Setu, tud a zo dedennet a-walc'h gant ar mennozh, ha d'am soñj (evel ma peus gwelet dabord) e vezo kalzig a gontoù ha dreist holl a bennadoù nevez. Me an hini eo en deus aliet da [2] goulenn an aotre a-raok kemm ar pennad, rak kemmoù bras a zo d'ober (an hini en deus savet ar pennad a zo ul lisead...). Ken ar c'hentañ --Ronan 26 Meu 2008 da 21:08 (UTC)

Fiskal - just ar pezh a vanke e gwirionez, ha war a welan e labourfont war tachennoù a ra diouer war ar raktres-mañ. Evit a sell ouzhar pennad diwar-benn Charles Darwin, n'eus ket a droug evel-just. A galon, ha trugarez evit bezañ bet brudet ar wikipedia e-touez an dud tro-dro dit. Neal ^(Kaozeal) 27 Meu 2008 da 07:50 (UTC)

Skeudennoù (2)

Salud. Ya, kas din da levrig PDF, teurel a rin ur sell. --Ex-Smith 7 Mae 2008 da 19:41 (UTC)

Skeudennoù, 3

setu : exsmith@gmail.com

--Ex-Smith 9 Mae 2008 da 09:24 (UTC)

IDM

Heh! dres e oan o vont da ouzhpennañ--Ex-Smith 11 Mae 2008 da 16:20 (UTC) ar yezhoù all, primoc'h evidon out bet!

Liammoù diavaez

Ya ya, no problem. Disoñjet em boa, setu tout. Pesurert pennadoù emaout o prientiñ? Kentañ tro.

470

Deiz mat,
Sellout. Kenavo. TCY 10 Mez 2008 da 00:26 (UTC)

Trugare ! (fr:utilisateur:Barbetorte) -> [3] ha fr:470 (bateau) --86.199.101.236 10 Mez 2008 da 22:09 (UTC)

Skeudenn:Startijenn 30 vloaz diwan.jpg

Hi, I'm Norrin_strange at galician Wikipedia. I have uploaded this photograph (Skeudenn:Startijenn 30 vloaz diwan.jpg) to our wiki. don't understand breton so I supossed that it was in the public domain. Is that true? Thanks. --Norrin strange 27 Kzu 2008 da 21:08 (UTC)

Penaos e c'haller gouzout hiroc'h db ar C'hloareg? Bianchi-Bihan 26 C'hwe 2009 da 21:13 (UTC)

Ret e vo dit paeañ ur banne d'an hini marv, ha koustañ a ray ker dit. Evit da binijenn, lenn A Morte e a morte de Bero d'Agua, gant ar skivagner brazilian Jorge Amado, ha lak al levr e brezhoneg. Bianchi-Bihan 27 C'hwe 2009 da 14:09 (UTC)

Galvadenn: Dilennadeg merourion/ezed nevez (pazenn gentañ)

Galvadenn

---

Merour·ion·ezed nevez zo ezhomm !
Lakait hoc'h anv pe hini un implijer/ez all amañ

Savet eo bet ganin ur c'hinnig evit boulc'hañ gant an argerzhadur evit dilenn merourion/ezed nevez . Pedet out da reiñ da ali war ar bazenn gaozeal stag ouzh ar c'hinnig-se (amañ) diwar-benn ar c'hraf kentañ a denn d'an doare ma ranker lakaat anv unan bennak evel kannad/ez evit dont da vezañ merour/ez. Ur wezh sklaeraat ar bazenn gentañ-se ha tizhet ur c'henemglev ledan e vo tu da vont pelloc'hig o tigeriñ ar argerzhadur da vat o pediñ digant an implijerion/ezed lakaat o anv pe anv unan bennak all evit gallout mouzhiañ diwar ofenn da c'houde. Da achuiñ neuze e vo ret da c'houde dont a-benn d'ur c'henemglev diwar-benn mont-en-dro ar vouzhiadeg hec'h-unan a-raok stagañ ganti da vat. Neal ^(Kaozeal) 30 Eos 2009 da 18:07 (UTC)