Kozaked
Ar Gozaked (unander: Kozak, liester Kozaked; ukraineg: козаки́, kozaky; rusianeg: казаки́, kazaki) a zo ur boblad slav eus Ukraina ha su Rusia. Brudet int evit o youl da vevañ dieub (talvezout a ra end-eeun o anv kement ha “den dieub”). Brudet int ivez evit bezañ gwall varrek da vrezeliñ, ha dreist-holl da vezañ marc'hegerien gwall ampart. Bras eo bet perzh ar Gozaked en istor Ukraina ha Rusia. Kavet e vez roud eus ar Gozaked adalek ar bloaz 1395. Da vare Reveulzi 1917 e oant savet a-enep ar renad bolchevik ha da c'houzañv o deus bet an takadoù bro ma oant o chom diwar an naonegezh.
