Corca Dhuibhne
(Adkaset eus Ledenez An Daingean)
Corca Dhuibhne (distaget /ˌkorkə ˈɣuiːn´i/ en iwerzhoneg), eo anv al ledenez zo er mervent da gêr Trá Lí e kontelezh Ciarraí, en Iwerzhon.
An Daingean pe Daingean Uí Chúis eo kêr vrasañ al ledenez, a reer anezhi Dingle Peninsula e saozneg (Ledenez An Daingean). Emañ kornôg an tolead-se er Gaeltacht, ent-ofisiel.
Emañ Cnoc Bréanainn (pe Cnoc Bhreandáin), unan eus menezioù uhelañ kreisteiz Iwerzhon, e gwalarn al ledenez. Dirak ledenez Corca Dhuibhne emañ an inizi anvet Na Blascaodaí, inizi didud bremañ, hogen brudet gwechall, dre ma voe o vevañ enno tud evel Peig Sayers, Tomás Ó Criomhthain pe Muiris Ó Súilleabháin, o deus kontet en o levrioù buhez kalet an enezourien gwechall.
Gwel eus Corca Dhuibhne, e kontelezh Ciarraí, gant inizi Na Blascaodaí war an tu dehoù
Liammoù diavaez kemmañ
- Lec'hienn diwar-benn ledenez Dingle (saozneg hag alamaneg)]
- Skeudennoù eus Corca Dhuibhne (alamaneg)