Les Compagnons de Baal

Les Compagnons de Baal a zo ur ministirad skinwel moliac'h gallek sevenet gant ar filmaozer Pierre Prévert (1906-1988).

Savet ar senario anezhe gant Jacques Champreux (1930-) e voe skignet ar seizh pennad e gwenn ha du war eil chadenn an ORTF adalek an 29 a viz Gouere betek an 9 a viz Gwengolo 1968. O vezañ ma c'helle darvoudoù 'zo bezañ skrijus evit ar bellarvesterien yaouank e veze diskouezet un hirgarrezennig wenn ouzh ar skramm ha skignet an abadennoù diwezhatoc'h en eil prantad eus an abardaevezh.

Skignet e voe en Italia ivez — I compagni di Baal — adalek an 11 a viz Mezheven 1970.

Ar pennadoù (hanter-kant munutenn padelezh pep hini)

1. 29 a viz Gouere : Le Secret de Diogène (Sekred Diogenes),
2. 5 a viz Eost : Les Mystères de l'Île-Saint-Louis (Kevrinoù Enez Saint-Louis),
3. 12 a viz Eost : Le Spectre rouge (Ar Spes ruz),
4. 19 a viz Eost : L'Inquiétant Professeur Lomer (An Nec'hus a Gelenner Lomer),
5. 26 a viz Eost : La Nuit du huit de trèfle (Nozvezh an eizh treflez),
6. 2 a viz Gwengolo : L'Héritage de Nostradamus (Hêrezh Nostradamus),
7. 9 a viz Gwengolo : L'Éveil de Liliane (Dihun Liliana).

An danvez

Klask a ra un aozadur kuzh — Les Compagnons de Baal e anv — astenn e veli war ar bed a-bezh. Renet gant ar gourmestr Hubert de Mauvouloir n'eo ket figus tamm ebet war an doareoù da dizhout e bal (laeroñsioù, muntroù, skrapoù hag all) kousto pe gousto. Talañ a ra daou zen yaouank, ar c'hazetenner Claude Leroy hag ar sekretourez Françoise Cordier, outañ...

Ar gomedianed

Un toullad mat a gomedianed a gemeras perzh er stirad, en o zouez :

E-barzh c'hwec'h pennad

• Claire Nadeau : Françoise Cordier,
• Jacques Champreux : Claude Leroy,
• Gérard Zimmermann : Pierrot Robichat,
• Jean Martin : Hubert de Mauvouloir/an aotrou kelenner Lomer/an aotrou kont a Sant-Jermen,
• Jean Herbert : Joseph,
• René Lefèvre : Pépère.

E-barzh pemp pennad

• Martine Redon : ar plac'h yaouank aet sot.

E-barzh pevar fennad

• Tsilla Chelton : unan eus azeulerien Cosmochronos,
• Annick Michaud : unan eus azeulerien Cosmochronos,
• Louise Chevalier : unan eus azeulerien Cosmochronos,
• Jacques Robiolles : unan eus azeulerien Cosmochronos,
• Patrick Lancelot : Jacques.

Goude bezañ graet berzh bras o telc'her roll ar c'homiser Ménardier en ur ministirad skinwel all — Belphégor ou le Fantôme du Louvre, miz Meurzh 1965 — e kemeras perzh René Dary (1905-1974) e tri fennad ivez, dilhad ar c'homiser Lefranc en-dro dezhañ ar wech-mañ.

Liamm diavaez

• Les Compagnons de Baal war lec'hienn Ensavadur broadel ar c'hleweled.