Maid Marian

Maid Marian pe Maid Marion eo dousig Robin Hood er mojennoù saoz. Mesaerez pe berjelenn eo, stag hec'h anv ouzh deiz ar 1añ a Vae.

Robin ha Marian, hervez ur skeudenn eus 1880.

Ne oa ket bet kaoz eus he c'harantez ouzh Robin a-raok ar XVI^vet kantved. A-wechoù e vez kontet da vezañ a wad uhel. N'eo ket meneget er gwerzioù kozh diwar-benn Robin Hood.

War a seblant e oa un dudenn eus gouelioù ha c'hoarioù Mae (a-hed Mae hag e deroù Mezheven, da vare ar Pantekost). Hervez Jim Lees en e levr The Quest for Robin Hood (p. 81) e vefe bet Maid Marian ur personeladur eus ar Werc'hez Vari.

Div dudenn anvet "Robin" ha "Marian" zo liammet ouzh ar 1añ a viz Mae er XV^vet kantved.

Istor

• War-dro 1283 : Kentañ meneg eus Marion e-barzh Le Jeu de Robin et Marion gant Adam de la Halle :
• War-dro 1377 : Kentañ meneg eus Robin (Robyn hood) gant William Langland e Piers Plowman (Pêr al Labourer-douar )
• 1822 : Maid Marian, romant gant Thomas Love Peacock.