Marc'harid Bourgogn (1290-1315)

Ur pennad Marc'harid Bourgogn zo ivez.

Marc'harid Bourgogn (1290-1315) a oa ur briñsez eus dugelezh Bourgogn. Merc'h e oa da Roperzh II Bourgogn, dug Bourgogn, ha da Agnès Bro-C'hall e bried. Dimezet e voe da Loeiz le Hutin, a voe roue Bro-C'hall ha Navarra, ha tamallet e voe dezhi bout avoultr en afer an Tour de Nesle.

Marc'harid Bourgogn (1290-1315), Rouanez Bro-C'hall ha Navarra.

Dimeziñ kemmañ

Dimezet e voe e miz Gwengolo 1305 e Corbeil, da Loeiz Iañ (1289-1316), Roue Navarra (1305-1316), hag a voe anvet da Roue Bro-C'hall nav bloaz goude, e 1314, evel Loeiz X le Hutin. Hennezh a oa mab da Fulup IV le Bel ha da Janed Iañ Navarra, rouanez Navarra[1].

Bugale kemmañ

Ur verc'h he doe, Janed (1311-1349)[2] hag a voe Rouanez Navarra hag a renas gant he fried, ar priñs gall Fulup III Navarra.

An afer kemmañ

E deroù 1314 e krog an afer. Urzh a roas ar roue gall Fulup IV le Bel da herzel e deir merc'h-kaer, Marc'harid Bourgogn, Janed Bourgogn ha Blanche Bourgogn. Hervez ur c'hronikour e oant bet flatret gant merc'h ar roue, Isabelle de France, rouanez Bro-Saoz.
Tapet e vijent bet a-greiz o ebatoù gant gant daou varc'heg yaouank, Philippe ha Gauthier d'Aunay.

Anavezet eo ar gwallabadenn-se evel afer tour Nesle.

Boureviet e voe an daou varc'heg, hag anzav a rejont o darempredoù gant ar priñsezed. kignet e voent e Pontoise en-bev, spazhet, dibennet, ha lakaet ouzh ar groug.

Dre fazi eo e vez staget anv ar prederour gall Jean Buridan ouzh an afer abalamour d'ar varzhoneg c'hallek, Ballade des dames du temps jadis gant François Villon.

He marv kemmañ

 
Rivinoù Château Gaillard

Marc'harid a voe kraouiet e kreñvlec'h ar Château Gaillard, ha dalc'het e kuzh eno e-pad tostik da zaou vloaz. Kavet e voe marv en he c'hell e 1315, gant ar riv moarvat.

Lennegezh kemmañ

Meneget eo Marc'harid Bourgogn en div levrenn,Le Roi de fer ha La Reine étranglée, eus ar meurromant Les Rois maudits, gant Maurice Druon, a voe savet diwarno div abadenn gentañ an heuliad-skinwel heñvel anvet.

Notennoù kemmañ

  1. Christian Bouyer, Dictionnaire des Reines de France, Librairie Académique Perrin, 1992 (ISBN 2-262-00789-6), p. 192.
  2. Jiri Louda et Michael MacLagan, op.cit., taolenn 65.