Markdown

Markdown zo ul lavar merkañ, krouet e 2004 gant John Gruber hag Aaron Swartz, implijet e kalz meziantoù kenlabourat, da skouer Github, Gitlab, Reddit ha StackExchange. Dre ma n’eus standard ebet e kaver meur a stumm anezhañ: CommonMark, Github Flavored Markdown, GitLab Flavored Markdown, ha re all.

Anavezet eo bet Markdown gant an IETF (Internet Engineering Task Force) dindan anv text/markdown^[1]^,^[2].

Elfennoù Markdown

Talbennoù

Un talbenn, titl ur rannbennad, a zo # he lizherenn gentañ.

# Talbenn live 1
## Talbenn live 2
### Talbenn live 3
…
###### Talbenn live 6

Un doare all a zo evit ranbennadoù a live 1 ha 2 :

Talbenn live 1
==============

Talbenn live 2
--------------

Stumm an destenn

*Stouet a vo al lizherennoù er frazenn-mañ* _hag er frazenn-se_.

**Tev a vo al lizherennoù er frazenn-mañ** __hag er frazenn-se__.

Arroudoù

Menegiñ un arroudenn a vez graet gant > e deroù pep linenn.

> Hep dec’h hag hep warc’hoazh
> Hiziv ne dalv ket c’hoazh
>    — Pêr-Jakez Helias

Rolloù

Gant *, -, pe + e saver listennoù.

Da ober a-raok mont da gousket:
* boueta ar pesked
* serriñ an nor
* lazhañ ar gouloù

Listennoù niveret a c’heller sevel ivez. Ret eo skrivañ sifroù, met n’eus forzh pere : lakaet vo 1, 2… hag all gant ar meziant a lenn Markdown.

Da ober em buhez:
1. bezañ ganet
2. studiañ
7. labourat
42. mervel

Liammoù diavaez

Lec’hienn ofisiel Markdown
CommonMark, un danvez standard Markdown

Daveoù

[1] (en) RFC 7763: The text/markdown Media Type, IETF, Meurzh 2016

[2] (en) RFC 7764: Guidance on Markdown: Design Philosophies, Stability Strategies, and Select Registrations, IETF, Meurzh 2016

[1]

[2]