Maxime Touzé, ganet e Normandi, e 1989, eus ur familh a orin eus Breizh Uhel, a zo kelenner brezhonek war an istor hag an douaroniezh hag ur politikour, ezel eus burev politikel an UDB. Pennskridaozer pajennoù brezhonek ar gelaouenn Le Peuple Breton eo ivez.

Buhez kemmañ

E Normandi eo bet desavet. Eus Breizh-Uhel e teu e familh.

Desket en deus brezhoneg gant Skol an Emsav da vare e studi war an istor hag an douaroniezh er skol-veur ha tapet en deus un aotreegezh vrezhoneg e Skol-veur Roazhon 2. Mont a reas da Sant-Brieg evit tapout ar master micherel evit an deskadurezh, an desavadurezh hag ar stummadur gant un arbennigiezh war ar brezhoneg. Diouzh-se e c'hellas mont da gelenner e Breizh ha ne faotas ket dezhañ bezañ kaset d'ul lec'h all.

Postoù kelenner en deus bet el lise Jean-Marie Le Bris, e Douarnenez hag er Skolaj Pêr Stefan, e Brieg[1].

Stourm politikel kemmañ

Kuzulier-kêr eo e Douarnenez, abaoe 2020. Mont a reas war ar renk dindan banniel an UDB da geñver an dilennadegoù kannaded (7vet pastell-vro Penn ar Bed) e miz Mezheven 2022[2] ha Tapout a reas 4,76% eus ar mouezhioù war e anv[3].

Kaout ur Stad e Breizh n'eo ket un dra a zedenn ac'hanon.

Maxime Touzé, An divskouarn o nijal, 24/12/2018


Pennadaoù embannet gantañ e-barzh Pobl Vreizh (roll diglok) kemmañ

  • TOUZE Maxime, Ur Breizhad o reiñ sikourioù dengarour en Ukraina, e-barzh Le Peuple Breton/Pobl Vreizh, miz Gwengolo 2023, niv. 716, pp. 22-23.
  • TOUZE Maxime, Nadoz-Vor : un ti-embann a Vreizh o kreskiñ !, e-barzh Le Peuple Breton/Pobl Vreizh, miz Meurzh 2017, niv. 638, p. 18.
  • TOUZE Maxime, Ur stal-levrioù breizhek nevez e Brest !, Le Peuple Breton, 7 a viz Du 2016.

Liamm diavaez kemmañ

Notennoù ha daveennoù kemmañ

  1. Maxime Touzé enseigne l'Histoire en breton, e-barzh Ouest-France, 5-6 Du 2022.
  2. Marion Gonidec, Législatives. Maxime Touzé « L’UDB, c’est le parti du quotidien », e-barzh Ouest-France, 5-6 Mezheven 2022
  3. Résultats des élections législatives 2022 dans le Finistère.