Moudenn (disheñvelout)

Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask.

Moudenn (el liester mouded pe moudennoù) zo ur ger dezhañ meur a ster hag a denn d'ar gounezerezh ha d'an douaroniezh, dreist-holl, hag a dalvez d'ober anv eus un uhelenn, bras pe bihan.

Moudenn zo un tamm douar palet, labouret. Meur a seurt moudennoù a c'hell bezañ hervez al labour graet en a-raok : moudenn-c'hlas, moudenn-gign, moudenn-ston, moudenn-varr, moudenn-vrizi.

Moudenn, er c'horfadurezh, zo anv ul lodenn volzek e traoñ kof ar merc'hed, anvet mons veneris e latin.

Moudenn-gastell, pe moudenn hepmuiken, a reer eus ur c'hreñvlec'h savet war un uhelenn vihan, un dorgenn naturel pe unan graet gant an dud, da vare ar Grennamzer.

Ar Voudenn zo un anv-lec'h, anv ur gumun en Aodoù an Arvor, hag e meur a lec'h all.