Nazaried

An Nazaried (pe Nasried, hogen Banū al-Ahmar pe Banū Naṣr pe Naṣriūn en arabeg, Nazarí pe Nasrí e kastilhaneg) zo un dierniezh arab a renas e Rouantelezh Granada adalek 1238 betek 1492.

Kregiñ a reas gant Mohammed ben Naṣar, a savas emirelezh Granada en 1238. Padout a reas dre ma paee un truaj da rouaned Kastilha hag Aragon. An emiriezh eo stumm diwezhañ Rouantelezh Granada. Ne oa « Al-Andalus » neuze nemet ur vro dister ken. Boabdil e voe ar roue diwezhañ.