Ombrone (departamant)

Ombrone a oa un departamant gall en Italia en amzer impalaeriezh c'hall Napoleone Buonaparte. Siena e oa ar pennlec'h.

Departamantoù gall Italia e 1811

Anv

Dont a ra an anv eus hini ar stêr Ombrone.

Istor

Savet e voe an departamant e 1808 pa voe staget Toskana ouzh an Impalaeriezh c'hall kentañ. E 1812 e oa tri arondisamant ennañ :

• Grosseto
• Montepulciano
• Siena.

War-lerc'h faezhidigezh Napoleone Buonaparte e 1814 e voe rannet an douaroù etre Proviñs Siena ha hini Grosseto.