Prokoustes

Prokroustes (henc'hresianeg : Προκρούστης / Prokroústês, e « an hini a vorzhol evit astenn ») e oa lesanv ur forbann eus Attika anvet Polypemon (Πολυπήμων / Polupếmôn (« an hini noazus-bras »), e mojennoù Hellaz kozh. Lesanvet e oa ivez Damastès (Δαμαστής / Damastếs (« an doñvaer »).

Theseüs ha Prokoustes, kiliks atikat gant dremmoù ruz, 440-430 kent JK, British Museum (Vase E 84)

Theseüs ha Prokoustes, kiliks atikat gant dremmoù ruz, 500-490 kent JK, Mirdi al Louvre (G 104)

Mab e oa da Boseidon, ha dimezet da Sylea. Tad mager Sinis e oa, ha hennezh a oa mab ivez da Boseidon.

Gwele Prokoustes

Er Bibliotheca historica gant Diodoros Sikilia ez eus un tamm mojenn :

Goude-se e lazhas Theseüs Prokoustes a oa o chom e Menez Korydallo en Attika. Prokoustes a redie ar veajourien da vont war ur gwele ; troc'hañ a rae an izili re hir, a valire e-maez ar gwele ; hiraat a rae an treid d'an dud a oa re vihan. Se zo kaoz e oa lesanvet Prokroústês.

Deuet eo Prokoustes da vezañ arouez ar c'hoant da stourm ouzh an disheñvelderioù ha « gwele Prokoustes » arouez arnodoù enebourien an disheñvelder ha ne fell dezho gwelout nemet un doare da soñjal, da ober, da gomz.

Lennegezh

• Sleepless Nights in the Procrustean Bed, dastumad arnodskridoù gant Harlan Ellison.

Mammennoù

• Pseudo-Apollodoros, Epitome (I, 4).
• Diodoros Sikilia, Bibliotheca historica e galleg (IV, 29).
• Hyginus, Fablennoù e latin (XXXVIII).
• Paosanias ar Beajour, Description de la Grèce (fr) (I, 38, 5).

Lennegezh

• Vladimir Volkoff, Le Complexe de Procuste, L'Âge d'Homme, 1981.