Rajko Đurić
Raјko Đurić (Рајко Ђурић e serbeg, Raiko Juric e romani; 3 a viz Here 1947 e Malo Orašje, Smederevo, Serbia, Yougoslavia - 2 a viz Du 2020) a oa ur skrivagner rom eus Serbia hag ur politiker. Bet eo e penn Unvaniezh Romed Serbia (Unija Roma Srbije), ur strollad politikel hag a zifenn ar Romed e Serbia.
Studiet en doa prederouriezh e skol-veur Belgrad (1967–1972). E 1986 en doa tapet un doktorelezh gant e dezenn war Sevenadur ar Romed e republik sokialour Yougoslavia. E 1991 e oa aet da chom da Verlin evit tec'hout diouzh ar brezel a oa o ren e Yougoslavia d’an ampoent ha diouzh renad Slobodan Milošević.
Skrivet en deus ouzhpenn 500 pennad diwar-benn ar Romed ha meur a levr. Kenlabouret en doa gwechall gant ar gazetenn bemdeziek Politika e Serbia. Bet eo sekretour ha, goude, prezidant an Unvaniezh Romani Etrebroadel ha sekretour meur ar skourr romek eus International PEN. Troet eo bet e skridoù lennegel e meur a yezh. E 2011 e oa bet unan eus ar re o doa savet an Akademiezh rom evit an arzoù hag ar skiantoù, e Serbia[1].
Skridoù kemmañ
- Bi kheresko-Bi limoresko, teskad barzhonegoù divyezhek, 1975
- Purano svato o dur themestar, teskad barzhonegoù divyezhek, 1980
- A i U - A thai U, teskad barzhonegoù divyezhek, 1982
- Hefestovi ucenici, 1986
- Kultur der Roma und interkulturelle Beziehungen, 1988–1990
- Paradigmen in der Kultur der Roma, 1992
- Die Kultur der Roma und Sinti, 1993
Skridoù troet e galleg kemmañ
- ‘’Les disciples d’Héphaïstos’’ (Cahiers Bleus Librairie, 1995)
- ‘’Les rêves de Jésus-Christ’’ (troet gant M. Robin, Éditions Noir & Blanc, 1996)
- ‘’Malheur à qui survivra au récit de notre mort’’ (Éditions Noir & Blanc, 2003)
- ‘’Les Rroms dans les belles lettres européennes’’ (gant M. Courthiade, L’Harmattan, 2004)
- ‘’Sans maison, sans tombe’’ (troet gant M. Courthiade, L’Harmattan, 2004)
Notennoù kemmañ
- ↑ Tatalović, Mićo (9 September 2011). Roma Establish Academy of Arts and Sciences in Belgrade. ScienceInsider. Science. Kavet : 12 G 2011.