Raymond Carver

Raymond Carver zo ur skrivagner stadunanat.

E vuhez

Ganet e oa e Clatskanie, en Oregon, ur gêr vihan war lez ar stêr Columbia. E yaouankiz a dremenas e Yakima, e Washington (stad). Micherour e oa e dad en un heskennerezh, ha mezvier. E vamm a laboure a-wechoù evel servijourez pe gwerzherez en ur stal. Er skol e Yakima eveze alies o lenn danevelloù Mickey Spillane, pe kelaouennoù evel Sports Afield pe Outdoor Life. En 1956, pa oa 18 vloaz e timezas da Maryann Burk, ur gamaradez-skol, brazez-tenn. Edo Maryann o paouez tapout he diplom. Ur verc'h o doe, Christine. Daou vloaz goude e oa ganet an eil bugel dezho, o mab Vance, hag 20 vloaz an tad. Goude tapet e ziplom gantañ ivez el lise e krog Carver da labourat, da vagañ e diegezh, evel porzhier, heskenner, gwerzher. Maryann a labour ivez evel servijourez, sekretourez, ha kelennerez goude.
Mont a reont da Galifornia da chom. Krog eo Raymond Carver da vontda gentelioù skridaozañ gant ar romantour John Gardner, a voe bras e levezon e buhez Carver. Goude se e kendalc'has gant ar studi, e skol-veur-stad Chico, hag e skol-veur Humboldt California hag e skol-veur Iowa . Er bloavezhioù 60 edo Carver hag e diegezh o chom e Sacramento, ma laboure evel eveshaer-noz en ospital. Studiañ a eure ivez e skol-veur-stad Sacramento ma tarempredas ar barzh Dennis Schmitz. E gentañ dastumad barzhonegoù Near Klamath, a voe embannet e 1968 gant kleub saoznek skol-veur Sacramento. Ur bloavezh a bouez e voe 1967 da Raymond Carver, abalamour ma voe embannet e varzhoniezh en dastumad brudet Foley, hag en abeg da varv e dad. Er bloavezh-se ivez ez eas da Galifornia, da b- Palo Alto, da labourat evel skridaozer gant Sciences Research Associates, ma chomas betek 1970. Er bloavezhioù 70 ha 80 e oa deuet un tamm brud dezhañ, ha kelennet en doa e meur a skol-veur. Etre 1980 ha 1983 e kelennas al lennegezh saoznek e skol-veur Syracuse. E-kerzh ar bloavezhioù-se, p'edo o labourat amañ hag ahont, hag o sevel e vugale en ur glask skrivañ, e stagas da evañ. Kontañ a reas e oa deuet da vezañ ken bras ezhomm ma ne rae nemet se ken. E diskar-amzer 1973, pa oa en Iowa City gant John Cheever en deus diskleriet en devoa evet muioc'h eget n'en devoa kelennet. Er bloaz war-lerc'h, kuitaet gantañ Iowa, ez eas Cheever d'un ospital evit al lonkerien, pa zalc'has Carver da evañ betek miz Even 1977: neuze e paouezas gant skoazell an AA. E 1982 e tizimezas digant e wreg Maryann, a oa bet tamallet dezhi tagañ tud eus an tiegezh Kennedy. Abaoe 1979 edo o vevañ gant ar varzhez Tess Gallagher, en doa gwelet e Dallas, hag a oa e serc'h abaoe ur veaj da Gaboul. Dimeziñ a rejont e 1988 e Reno, e Nevada. Daou viz goude, d'an 2 a viz Eost 1988, e varvas Carver e Port Angeles, e stad Washington, gant ar c'hrign-bev en e skevent, hag eñ 50 vloaz.

Oberennoù

Dastumadoù danevelloù

Will You Please Be Quiet, Please? (kentañ embannet e 1976)
Furious Seasons (1977)
What We Talk About When We Talk About Love (1981)
Cathedral (1984)
Elephant (1988)

Compilations

Where I'm Calling From (1988)
Short Cuts: Selected Stories (1993) - (film tie-in)

Barzhonegoù

Dastumadoù

Near Klamath (1968)
Winter Insomnia (1970)
At Night The Salmon Move (1976)
Where Water Comes Together With Other Water (1985)
Ultramarine (1986)
A New Path To The Waterfall (1989)

Compilations

In a Marine Light: Selected Poems (1988)
All of Us: The Collected Poems (1996)

Screenplays

Dostoevsky (1985, with Tess Gallagher)

Essays, Poems, Stories (Uncollected Works)

Fires: Essays, Poems, Stories (1983)
No Heroics, Please (1992)
Call if You Need Me (2000)

Filmoù diwar e oberennoù

Short Cuts, gant Robert Altman, savet diwar meur a zanevell.
Everything Goes, gant Andrew Kotatko.
Jindabyne (diazezet war So Much Water So Close to Home) gant Ray Lawrence.

Levrlennadur

Carver, Maryann Burk (2006). What It Used to Be Like; A Portrait of My Marriage to Raymond Carver. St. Martin's Press. ISBN 0-312-33258-0. Eñvorennoù e wreg kentañ.
Nesset, Kirk (1995). Stories Of Raymond Carver: A Critical Study. Ohio University Press. ISBN 0821411004.
Charles McGrath (October 28, 2007). "I, Editor Author", Week in Review, New York Times. Retrieved on 28 October 2007.
Pieters, Jesús (2004). El silencio de lo real: sentido, comprensión e interpretación en la narrativa de Raymond Carver. Monte Ávila Editores Latinoamericana. ISBN 9789800112199.
Stull, William L. and Gentry, Marshall Bruce (editors) (1990). Conversations With Raymond Carver (Literary Conversations Series). University Press of Mississippi. ISBN 0878054499.
Stull, William L. and Carroll, Maureen P. (editors) (1993). Remembering Ray: A Composite Biography of Raymond Carver. Capra Press. ISBN 0884963705.