Rialeg

Rialeg (Riaillé e galleg) a zo ur gumun a Vreizh el Liger-Atlantel, e gevred ar vro. Pennlec'h Kanton Rialeg, bet dilamet e 2015, e oa.

Rialeg
An iliz katolik.
Bro istorel	Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Rialeg (pennlec'h) betek 2015, Enorzh abaoe 2015
Kod kumun	44144
Kod post	44440
Maer Amzer gefridi	André Raitière 2020-2026
Etrekumuniezh	Kumuniezh-kumunioù Bro Ankiniz
Lec'hienn web	www.riaille.fr
Poblañsouriezh
Poblañs	2 358 ann. (2020)
Stankter	47 ann./km²
Douaroniezh
Daveennoù lec'hiañ	47° 31′ 11″ Norzh 1° 17′ 39″ Kornôg
Uhelderioù	kreiz-kêr : 33 m bihanañ 17 m — brasañ 88 m
Gorread	50,02 km²
Rialeg

Douaroniezh

• Ar stêr Erzh a dreuz Rialeg.

Anv

• Erwan Vallerie (1995) ː Rialleium, 1141

Ardamezioù

Geotet, e wifrell gommek, heuliet ouzh kab gant ul ledsaezh hag ouzh beg gant un dañvouezhenn ed, an holl en argant. Sturienn : TRAVAIL ET LOISIRS Aozerien : ao.ao. Froger ha Pressensé Kuzul ar Gumunn : 26 Mezheven 1970

Armerzh

• Meneget e voe govelloù La Poitevinière war-dro 1466-1474. Krouet e voe govelloù La Provostière war-dro 1550. Echuet e voe ar c'henderc'h en daou lec'h war-dro 1875.

Istor

Krennamzer

• En XIIvet kantved e oa ur prioldi e La Poitevinière.

Dispac'h Gall

• Melestradurezh: krouet e voe kumun Rialeg e 1790 diwar ar barrez katolik. Lakaet e voe da benn Kanton Rialeg hag e Bann Ankiniz. E 1800 e voe lakaet en Arondisamant Ankiniz.
• D’an 20 a viz Gwengolo 1792 e voe lazhet Abraham Lemarié, penn ar gward broadel.
• Abalamour ar c'halvadeg veur e voe taget an ti-kêr gant ur bagad tud yaouank d’an 13 a viz Meurzh 1793.
• En noz etre an 6 a viz Even 1794 hag ar 7 a viz Even 1794 e voe aloubet Rialeg hag ar govelloù gant an emsavidi gant René Palierne de la Haudussais en o fenn ha lazhet e voe 28 den gante.

XIX^vet kantved

• D’an 6 a viz Even 1832 e voe un emgann etre ur bagad emsavidi gant Bernardin Maurice La Roche-Macé ha Félix de Landemont en o fenn ha soudarded al lu gall. Trec'h e voe an emsavidi.

XX^vet kantved

Brezel-bed kentañ

• Mervel a reas 81 gwaz ag ar gumun abalamour d'ar brezel, da lavaret eo 3,93 % eus he foblañs e 1911.

Arondisamant

• E 1926 e voe lakaet ar gumun en Arondisamant Naoned pa voe diskaret Arondisamant Ankiniz. Lakaet e voe en Arondisamant Ankiniz pa voe adsavet e 1943.

Eil Brezel-bed

• Mervel a reas pevar den ag ar gumun abalamour d'ar brezel hervez monumant ar re varv .
• D'ar 27 a viz Gouere 1944 e kouezhas ur c'harr-nij (Mosquito XXX marilhet MM728) eus aerlu ar Rouantelezh-Unanet (Royal Air Force) e La Provostière e Rialeg; mervel a reas e zaou nijour kanadian, douaret e voent e bered ar gumun.

Trevadennoù

• Brezel Aljeria: mervel a reas ur milour eus ar gumun dre wallzarvoud d’an 20 a viz Kerzu 1958 hervez monumant ar re varv, soudard e oa  er 6vet RPIMa.

XXI^vet kantved

• Lakaet e voe ar gumun e Kanton Enorzh pa voe diskaret Kanton Rialeg e 2014.

Monumantoù ha traoù heverk

• Monumant ar re varv, luc’hskeudenn. Dioueliet e voe d’an 11 a viz Du 2000.
• Monumant ar re varv (1914-1918) en iliz katolik, kartenn-bost.
• Maen-koun an daou nijour kanadian, 2007.
• Iliz katolik Intron-Varia ar C'horroidigezh,1841-1887, luc'hskeudennoù.

Kastelloù ha manerioù

• 

• Kastell Ancenis-les-Bois, 1875, luc’hskeudenn.

• 

• Kastell La Provostière, dibenn an XVIvet kantved, luc’hskeudenn.
• Kastell La Guibourgère, luc’hskeudenn.

• 

• Maner La Meilleraie, XVIIIvet kantved, luc’hskeudenn.
• Maner Le Haut-Rocher, XVvet kantved.
• Maner La Barre-Théberge, luc’hskeudenn.

Emdroadur ar boblañs abaoe 1962

Niver a annezidi

Tud

Ardamezeg ar familhoù

	Lhommeau / L'Hommeau Aotrounez Bois-Renaud	En argant e gebrenn grennet en glazur, e gab en gul karget gant teir greskenn en argant