Rummadoù sokiomicherel

Ar rummadoù sokiomichel (pe RSM) a zo un anvadur statistikel hag a aotre da renkañ ar micherioù. Krouet eo bet gant an INSEE e 1954 hag adanvet eo bet e 1982.

Enderc’hel a ra ar RSM 486 micher. Kriterioù liesseurt a zo implijet evit sevel ar rummadoù sokiomicherel :

• Ar micher
• Ar statud : labourerien dizalc’h (en o c’hont) pe gopridi
• Ar perzhekadur
• Ment an embregerezh, gennad (1añ, eil pe 3de)
• Ar hierarkiezh : diplom, live gopr gant al labourerien
• Natur an implijer : prevez pe publik

Renkadur

Ar 486 micher a zo strollet e 31 rummad sokiomicherel hag a zo int strollet en-dro e 8 strollad sokiomicherel :

1. Labourerien-douar
2. Artizaned, kenwerzherien ha pennoù embregerezh
3. Sternerien ha micherioù speredel uhel
4. Micherioù etre
5. Implijidi
6. Micherourien
7. Tud war o leve
8. Tud all hep obererezh micherel

En 8vet rummad e vez kavet neuze ar re nann-oberiat (da skouer bugale) hag an dud dilabour n’o deus morse labouret. An dud dilabour hag o deus dija bet ul labour a vo renket hervez o labour diwezhañ er rummadoù oberiat.

Skouer

Da skouer, ar micher “kelenner el lise” a zo renket :

• Er micher 341a : “Kelennerien skolveuriekaet ha testenniekaet eus ar skol eil-derez”
• Er rummad sokiomicherel 34 : “Kelennerien, micherioù skiantel”
• Er strollad sokiomicherel 3 : “Sternerien ha micherioù speredel uhel”