Sancho Garcés III Navarra

Sancho Veur, pe Sancho III, pe Sancho Garcés III Navarra (992 - 1035), lesanvet el Mayor pe el Grande, a oa Roue Pamplona, en amzer rouantelezh Nájera-Pamplona, entre ar bloavezhioù 1000-1035, kont Sobrarbe ha Ribagorza (1018-1035) ha Roue Kastilha ha Monzón (1029-1035).

Sancho Garcés III Navarra e oa galloudusañ roue ledenez Iberia en XIvet kantved

Mab e oa d'ar roue García III Navarra ha da Jimena Fernández (marvet war-dro 1035). Kont Aragon e voe etre 1028 ha 1029. En e amzer e teuas e rouantelezh da vezañ ar galloudusañ rouantelezh eus al ledenez. Meneg a veze graet anezhañ evel rex Ibericus pe rex Hispaniarum hag Impalaer ar Spagnoù n'ouzer ket gwall vat pegoulz.

Rouantelezh Pamplona da varv Sancho III el Mayor (1035)

E vugale

Kent dimeziñ en doe ur mab bastard digant e serc'h Sancha de Aibar:

• Ramiro Iañ Aragon (c. 1006/1007-1063), kont Jaca ha roue Aragon.
  • dimezet da Gilberga (Hermesenda) Roger de Bigorra (m. 1049)
  • da Inés Akitania.

Dimeziñ a reas en 1010 da Munia Mayor ha pemp bugel o doe:

• García Sánchez III Pamplona «el de Nájera», dimezet da Etienette (Estefanía) Barcelona pe Foix.
• Gonzalo Sánchez (c. 1014–1045), a renas e Sobrarbe ha Ribagorza, muntret en 1045
• Fernando Sánchez «el Grande» (c. 1016–1065), kont Kastilha (1029–1037) ha roue León (1037–1065) dre e zimeziñ, ** dimezet da Sancha León, c'hoar d'ar roue Bermudo III León.
• Bernardo Sánchez de Navarra (†1024)
• Jimena Sánchez (1018-1063), dimezet da Bermudo III León.

War e lerc'h

Goude e varv e voe rannet e rouantelezh entre e bevar mab :

• Fernando Iañ Kastilha,
• Ramiro Iañ Aragon,
• Gonzalvo Iañ Sobrarbe ha Ribagorce,
• ha García IV Navarra.