Soudardezed an Israel Defense Forces

Soudardezed an Israel Defense Forces zo maouezed o servijout e nerzhioù lu an Israel Defense Forces (hebreek: Tsva ha-Hagana le-Yisra'el). Israel a zo e-touez an nebeud broioù ma'z eus ur c'hoñje ret kement evit ar baotred hag ar merc'hed.

Hervez an IDF, 535 soudardez a zo marvet er stourm etre 1962-2016 (ne vez ket kemeret e kont a-benn neuze ar maouezed aet da anaon e servij Israel a-raok 1962). Ar maouezed o devoa kemeret perzh e difenn Israel a-raok ma vefe eus ar vro ent-ofisiel ha kendalc'het goude 1948. E-tro 20% eus nerzhioù difenn Israeli a oa maouezed e 1948Er bloavezh 2011 e oa 33% maouezed eus an hollad soudarded ha 51% anezho o vezañ ofiserezed. Adkavet e vez anezho e rolloù disheñvel en nerzhioù douar, mor ha nij.

E 200 e oa bet embannet ul lezenn war ar servij soudard hag ar gevatalded merc'hed ha paotred. Embannet e oa bet gant al lezenn "Ar gwir evit ar maouezed da servij en holl bostoù a zo en IDF gant ar memes gwirioù evit ar baotred." Hiziv-an deiz etre 88% ha 92% eus an holl gargoù en IDF a zo digor d'ar maouezed, e 69% eus an holl bostoù e kaver merc'hed.

Betek 2001 ar maouezed degemeret el lu IDF a oa kaset er c'horfad maouezed, brudet dre ar berradur CHEN. Goude pemp sizhun gourdonañ diazez e c'hallent servijout evel implijiadezed burev, blenierezed, labourerezed war an armoù, infirmiourezed, labourerezed er radio, diwallerezed an nijoù, sekretourezed an ofiserien uhel, ha stummerezed.

Implij er propaganda

Ur soudardez lakaet war-raok o sikour trevourien e-pad ur gourdonadenn.

Implijet e vez skeudenn ar soudardezed en IDF evit brudañ stourmoù Israel ha reiñ ur sell gwelloc'h eus nerzhioù lu Israel. E-leizh a fotoioù anezho a vez kavet e keleier ha lec'hiennoù ofisiel Israel. Gouarnamant ha nerzhioù lu Israel a zo chalet bras pa vez lazhet lod eus ar soudardezed pe pa vezont prizoniet gant enebourien ar vro.

Droukskouerioù

Kudennoù a zo savet dre emzalc'h lod eus soudardezed Tsahal:

• Skeudennoù damhudur lakaet war rouedadoù sokial
• Skeudennoù eus soudardezed o poziñ gant prizonidi palestinian

Skeudennoù

• 
  1956 soudardezed er Sinai
• 
  Danvez ofiserien
• 
  Soudardezed an IDF
• 
  Gourdoniñ tennañ
• 
  Danvez soudardezed o c'hourdoniñ
• 
  Soudardezed o tiwall an harzoù
• 
  Soudardez gourdonerez gant ur vindrailherez ponner
• 
  Gourdonadeg e 2006 ar soudarded a zo oc'h adkargañ ur vindrailherez ponner M2 Browing
• 
  Gourdonadeg korf
• 
  Ofiserezed e-pad ur gourdonadenn
• 
  Gourdonadenn d'ar stourm kêrel
• 
  Gourdonerezed an tankoù
• 
  Un ezel eus an unvez kemmesk Caracal Battalion armet gant ur CTAR-21 dafaret gant ur Meprolight 21 reflex sight.