Takson Lazar

Un takson Lazar a zo un termen implijet e paleontologiezh evit ober anv eus ur spesad aet da get e renabl ar c'harrekaennoù ha deuet en-dro war-wel diwezhatoc'h.

Ur morilhon Madagaskar, skouer a dakson Lazar

Gallout a ra c'hoarvezout abalamour pe d'un diouer a garrekaennoù adkavet pe d'ur steuziadur lec'hel eus ar spesad adtrevadennet al lec'h gantañ diwezhatoc'h.

Graet e vez ivez eus takson Lazar en amzer a-vremañ pa veneger spesadoù a soñjed e oant aet da get e-pad bloavezhioù pe degadoù hag addizoloet hiniennoù anezhe diwezhatoc'h.

Spesadoù addeuet war-wel

Stlejviled

• jeko kribennek (Rhacodactylus ciliatus)

Bronneged

• gwiñver-nij gloanek (Eupetaurus cinereus)
• posom Leadbeater (Gymnobelideus leadbeateri)
• plaver Queensland (Petaurus gracilis)

Evned

• morilhon Madagaskar (Aythya innotata),
• barged Kuba (Chondrohierax wilsonii),
• barged kolier gwenn (Leptodon forbesi),
• fazan Edwards (Lophura edwardsi),
• Pterodroma cahow,
• satanig Zeland-Nevez (Oceanites maorianus),
• takahe (Porphyrio hochstetteri),
• timadell Jerdon (Rhinoptilus bitorquatus).