The Good, the Bad and the Ugly
The Good, the Bad and the Ugly (italianeg : Il buono, il brutto, il cattivo, "Ar mad, an divalav, ar fallakr") zo ur western spaghetti (da lavaret eo : italian) eus 1966 renet gant Sergio Leone ha c'hoariet gant Clint Eastwood, Lee Van Cleef, hag Eli Wallach evit ar rolloù pennañ. Ar senario a oa bet savet gant Age & Scarpelli, Luciano Vincenzoni ha Leone (ouzhpennadurioù a oa bet gant Sergio Donati).
An istor a oa diazezet war hini Vincenzoni ha Leone. Rener ar skeudenniñ e oa Tonino Delli Colli, hag Ennio Morricone en devoa savet sonerezh ar film. Ur film italian eo met kenbroduet gant Spagn, Alamagn ar C'hornôg ha Stadoù-Unanet Amerika.
