Triñchin

An triñchin (pe trichin, pe trechon) zo plant bividik gouez, ha Rumex acetosa eo o anv spesad. Er pradoù hag er c’hoadoù e vezont kavet.

Legumaj

Ur seurt all, trenk o delioù, a c’hounezer el liorzhoù hag a implijer evel legumaj, d’ober soubenn lakaomp.

Triñchin all

Triñchin-dour a zo Rumex hydrolapathum.
Triñchin-logod, a zo Rumex acetosella.

Troioù-lavar

Kas ub da glask triñchin (pe da driñchina) a zo kement ha kas anezhañ da sutal.
Reiñ pour ha triñchin a zo reiñ meuleudi hag ober rebechoù, an eil war-lerc’h egile.
War-lerc’h ar pour e teu an triñchin. Goude meuleudi, rebechoù.