Tri Bleiz Die

Tri Bleiz Die zo ur strollad punk hag a gan e brezhoneg hepken. Savet eo bet e 1998 e Naoned ha divodet eo bet e 2006. Implijout a raent binviji hengounel (bombard, fleütenn, violoñs) mesket gant binviji punk-rock (gitar tredan, gitar boud tredan, taboulinoù). Ar brasañ niver eus an testennoù a zo skrivet ganto.

Tri Bleiz Die, e-pad ur sonadeg dek vloaz goude e zisparti, en Naoned, d'an eizh a viz Genver 2016.

Dibabet o deus e izili paouez da seniñ gant ar strollad goude ur sonadeg diwezhañ d'an 21 a viz Here 2006. Ur sonadeg dreist-ordinal e oa bet. Pedet e oa bet Les Baragouineurs ha Gweltaz Adeux (eus ar strollad EV), evit ar re bennañ, en MJC karter an Doulon (Naoned).

Goude ar sonadeg diwezhañ-se ez eo en em gavet ar strollad a-gevret adarre evit sonadegoù ispisial. Da gentañ unan e Run ar Puñs e Kastellin d'ar 27 a viz Here 2007. Div sonadeg all o deus graet e 2009, d'ar 17 a viz Mae evit an Alien Fest ha d'an 20 a viz Mae evit al Live Factory e Naoned.

Izili

Setu amañ roll e izili da vare an disparti :

• Gitar, kan : Stefan (Stéphane Guérois)
• Gitar : Loran (Laurent Moulin)
• Gitar boud : Squale (Pascal Bossis)
• Tamboulinoù : Gaino (Gwenolé Michenaud)
• Violin : Florian Herry

Izili kozh all e oa :

• Vivien Janneau - gitar boud, kan (1998-1999)
• Antoine Blaudeau - gitar boud (1999-2001)
• Gwénolé Michenaud (Gaino) - taboulinoù (2001-2006)

Pladennoù

Peder fladenn zo bet savet gant ar strollad.

• Disuj (1999)
• Dalc'homp mat ! (2001).
• Arabat dekoniñ memestra e (2003).
• Milendall (albom) e (2005).

Graet o deus paotred Tri Bleiz Die muioc'h eget 200 sonadeg e Breizh met ivez e Bro-C'hall hag e Belgia.

Videoioù

Kavout a reer videoioù eus ar strollad war Youtube:

• Bro gozh ma zadoù
• War Bon An Naoned
• Abadenn er Republik Tchek
• Les rockeurs ont du coeur
• Ha re all c'hoazh

Liammoù diavaez

Lec'hienn internet kozh ar strollad
O fajenn war Myspace