Txoria txori

Txoria txori ("Un evn zo un evn") zo ur varzhoneg euskarek savet gant Joxan Artze Agirre (1939-2018), lakaet war gan gant Mikel Laboa Mantzizidor (1934-2008).

• (H)egoak ("Eskell") a vez graet anezhi ivez a-wechoù, diwar ar ger kentañ.

Mikel Laboa e 1991

Perc'hennez ur preti anvet Aurrera er straed Urbieta e Donostia a zastume barzhonegoù hag en o lakae da voullañ war he serviedennoù ; Mikel Laboa hag e wreg a yeas di da zebriñ, ha pa lennas ar soner ar varzhoneg-se war e serviedenn e c'houlennas a-zivout an aozer·ez. Pa ouezas e oa bet skrivet gant J. Artze ez eas e darempred gant ar barzh, ha sonerezh a voe lakaet war ar pozioù.

Ur varzhoneg a-zivout ar frankiz nac'het eo Txoria txori. Disklêriet en deus Joxan Artze en devoa skrivet ar varzhoneg e 1964 pe 1965. "Alies", emezañ, "e kaver dodenn an evned en hor c'hanaouennoù kozh. Soñjet em boa neuze e c'hallen liammañ skeudenn an evn ouzh hini ar frankiz. Amañ e kaver ur gudenn, hini frankiz un den hon eus c'hoant da berc'hennañ. Dre unan-a-zaou, pe e vac'hit an den evel un evn en e gaoued, pe en e garit evel m'emañ, ha ma fellfe dezhañ pe dezhi ho tilezel, leuskit eñ pe hi da vont a-raok..."

Diouzh e du, Mikel Laboa en deus disklêriet penaos en deus desket ar c'homzoù-se. "Un abardaez bennak e 1968, edon en un ti-debriñ e Donostia. Daoust d'ar gwerzennoù-se bezañ diembann c'hoazh, e oant bet moullet war ar serviedennoù. Un oberenn a stourm e oa a-enep lezennoù Franco hag a verze ober gant an euskareg. Plijet e oant bet din diouzhtu, ha pa'z on erruet er gêr em eus savet ar sonerezh. N'on ket bet pell o sevel an ton. »
Ret eo gouzout ivez e oa bet difennet outañ gwerzhañ e bladennoù gant kontrollerezh Franco. Neuze e c'heller astenn ster dodenn ar frankiz e Txoria txori eus an den d'ar vro evel m’en deus graet ar stourmer enepfrankoour ivez.

Ar ganaouenn

• Klik dehou war an titl euskarek evit selaou Mikel Laboa o kanañ.

Txoria txori	Un evn zo un evn	Sonerezh
Hegoak ebaki banizkio nerea izango zen, ez zuen alde 'gingo. Hegoak ebaki banizkio nerea izango zen, ez zuen alde 'gingo. Bainan, honela ez zen gehiago txoria izango Bainan, honela ez zen gehiago txoria izango eta nik... txoria nuen maite eta nik... txoria nuen maite Hegoak ebaki banizkio nerea izango zen, ez zuen alde 'gingo. Bainan, honela ez zen gehiago txoria izango Bainan, honela ez zen gehiago txoria izango eta nik... txoria nuen maite eta nik... txoria nuen maite	Mard em bije troc'het e zivaskell e vije bet din ne vije ket aet kuit Mard em bije troc'het e zivaskell e vije bet din ne vije ket aet kuit Hogen setu ne vije ket bet un evn ken Hogen setu ne vije ket bet un evn ken Ha me... an evn eo a garen Ha me... an evn eo a garen Mard em bije troc'het e zivaskell e vije bet din ne vije ket aet kuit Hogen setu ne vije ket bet un evn ken Hogen setu ne vije ket bet un evn ken Ha me... an evn eo a garen Ha me... an evn eo a garen	Mentadurezh : $3/8$ Am G C He go ak e ba ki ba niz ki o E Am ne re a i zan go zen E Am ez zu en al de 'gin go C Am Ba i nan ho ne la C G ez zen ge h(i)a go txo ri a (i) zan go C e ta nik... G (+4) G Am txo ri a nu en ma i te Am G C E

Doareoù

Arzour·ez	Titl	Albom	Bloaz	Produer
Mikel Laboa	Txoria txori'	Bat-hiru	1974	Elkarlanean
L'Arcusgi	Egoak	Resistenza	1988	Ricordu
Hegoak	Hegoak	Hegoak	1989	Agorila
Etsaiak	Txoria txori	Gerra Zikina	1990	Esan Ozenki
Angel Katarain	Txoria txori (Lekeitio)	Txerokee, Mikel Laboaren Kantak	1990	Elkar
Joan Baez	Txoria txori	Diamonds & Rust in the Bullring	1998	Gold Castle
Portobello Bones	Hasta cierto punto	Refuse to keep silence	1998	PBB/Crash Disc
Errobi Kanta	Txoria txori - Oi gu hemen	Euskal Kulturaren Mezulari - Baiona	1998	Idol/Agorila
2B2R	L'auzel (Hegoak)	D'aïci, d'ailleurs	2003	2B2R
Ester Formosa	Txoria txori	Perquè vull i altres cançons imprescindibles	2004	Ventilador Music
Ontuak	Hegoak	Hola Festa !	2004	Idol/Agorila
Maialen Errotabehere, Mixu & Xabaltx	Hegoak	MMX	2008	Agorila
John Kelly & Maite Itoiz, The Kelly Family	Txoria txori	The Blue Elf'S Dream - The Live Show	2009	Art Libitum Productions
Kepa Junkera	Txoria txori	Kalea	2009	Warner
Hak'Amarra	Txoria txori	Bidaian	2011	Elkar
Anne Etxegoien & Aizkoa	Hegoak (Les ailes)	Les Voix Basques	2013	Otentik Produons / Sony Music
Battista Acquaviva	Hegoak - Txoria Txori	Les chants de libertés	2015	Decca Records / Universal Music Group
Sonakay	Txoria Txori	Sonakay denontzat	2018	NO-CD Rekords
NAO	Txoria txori	Ata que o lume se apague	2018	Estudios Garate
Salvador Sobral	Txoria txori		2018
Moonshine Wagon	Txoria txori	Straight from the Mud	2019	Moonshine Wagon
Iseo & Dodosound	Txoria txori	Same Love	2019	Mundo Zurdo

Liammoù diavaez

• (eu) (en) (gd) Txoria txori kempennet evit 4 mouezh