Unter den Linden
Unter den Linden (Dindan ar gwez-tilh e brezhoneg) a zo ur vali vrudet e Berlin, etre Pariser Platz (kostez reter Brandenburger Tor) war-du ar c'hornôg betek Schlossbrücke.
Istor ha savadurioù kemmañ
Er XVIvet kantved ne oa nemet un hent douar, treset e 1573 diwar urzh ar priñs-dilenner Johann Georg. D'ar mare-se e oa ul liamm etre Berliner Stadtschloss ha Tiergarten.
Goude Brezel Tregont Vloaz, pa oa Alamagn o c'houzañv goude distruj ar brezel, e c'houlennas Friedrich Wilhelm Iañ Brandenburg ma vije aozet balioù ha liorzhioù nevez. Ar vali a voe savet neuze diwar steñv ar priñs Johann Moritz, hag an hent a zeuas da vezañ ur vali, plantet warni mil gwezenn-graoñv ha mil gwezenn-dilh. D'ar mare-se e oa anvet "Straße des 17. Juni". Kolonenn an trec'h (Siegessäule) a voe lakaet en he fenn.
