Ute Lemper
Ganet 4 a viz Gouere 1963
e Münster
Micher(ioù) kanerez, aktorez
Doare(où) kabarett
Bloavezhioù oberiant 1987-bremañ
Label(ioù) Decca/Universal Classics
Lec'hienn ofisiel www.utelemper.com

Ute Lemper (4 a viz Gouere 1963 e Münster) a zo ur ganerez hag un aktorez alaman brudet dreist-holl evit bezañ kanet tonioù savet gant Kurt Weill. En Upper West Side, Manhattan e New York emañ o chom. Hec'h emvuheskrid a voe embannet e Berlin e 1995[1]. Livourez eo ivez, livadurioù nevezklasel eo a vez livet ganti.

He buhez kemmañ

Ganet e voe e Münster en ur familh katolik. Pa oa 16 vloaz e kemeras perzh er strollad punk Panama Drive Band. Goude-se ez eas da akademiezh dañs Köln ha da skol-c'hoariva Max Reinhardt e Vienna[2].

Kemeret he deus perzh e meur a gomedienn war gan evel Cats, Peter Pan, perzh Sally Bowles e Cabaret, ha hini Velma Kelly e Chicago. Reiñ a reas he mouezh da Ariel e stumm alamanek ar fiñvtresadenn The Little Mermaid.

Lakaet e voe da Crossover Artist of the Year for 1993/1994 gant ar magazin Billboard. Kemeret he deus perzh e meur a sonadeg evel da skouer The Wall e 1990. Evel kanerez hec'h-unan e teuas da vezañ brudet pa ganas tonioù Kurt Weill ha tonioù kabarett alaman all ar bloavezhioù 1930. E 1992 ec'h enrollas Illusions, da enoriñ Marlene Dietrich hag Édith Piaf. Sonerezh pop he deu graet ivez, kanet en alamaneg, galleg pe saozneg. En he fladenn Punishing Kiss e kaver tonioù savet a-ratozh eviti gant Scott Walker, Nick Cave, Tom Waits, Elvis Costello, Philip Glass ha Neil Hannon. Brudet eo he doare da ganañ evel en he fladenn City of Strangers, da enoriñ Sondheim, hag an doare dibar ma kan "The Ladies Who Lunch". E 1998 e teuas er-maez an dastumad All That Jazz: The Best of Ute Lemper.

Evel aktorez e c'haller gwelout anezhi evel Marie Antoinette e L'Autrichienne (1989), e Prorva, Bogus, Jean Galmot, aventurier, Prospero's Books, Appetite ha Prêt-à-Porter. Kemeret he deus perzh ivez e sonerezh meur a film evel Homo Faber, Kissing Jessica Stein hag Appetite.

He fladennoù kemmañ

  • Cats (1983)
  • Ute Lemper Singt Kurt Weill (1987)[3]
  • Life is a Cabaret (1987)[4]
  • Ute Lemper Sings Kurt Weill (1988)[5]
  • Starlight Express (1988)[6]
  • I Dreamed a Dream (1988)[7]
  • Crimes of the Heart (1989)
  • Die Dreigroschenoper (1990)
  • The Seven Deadly Sins (1990)
  • The Wall - Live in Berlin (1990)
  • Arielle, die Meerjungfrau (1990)[8]
  • Andrew Lloyd Webber Welterfolge (1990)[9]
  • Prospero's Books (1991)
  • Ute Lemper Live: Ihre Grossen Tournee-Erfolge (1991)
  • The Michael Nyman Songbook (1991)[10]
  • Homo Faber (1991)
  • Guarda La Fotografia (1991)
  • Illusions (1992)
  • Komisch' Wetter (1992)[11]
  • Ute Lemper Sings Kurt Weill - Volume 2 (1993)
  • Espace Indécent (1993)
  • Portrait of Ute Lemper (1995)
  • City of Strangers: Songs by Sondheim, Prévert... (1995)
  • Die Eisprinzessin (1995)
  • Birds in Cages (1995)
  • Der Glöckner von Notre-Dame (1996)
  • Bogus (1996)
  • Berlin Cabaret Songs (1996/1997)
  • Nuits Étranges (1997)
  • All That Jazz: The Best of Ute Lemper (1998)
  • Chicago (London cast recording, 1998)
  • Kurt Gerrons Karussell (1999)[12]
  • Punishing Kiss (2000)
  • Little Water Song (2000)
  • But One Day... (2002, Decca/Universal Classics)
  • Blood & Feathers: Live from the Café Carlyle(2005)
  • Between Yesterday and Tomorrow (2009)

He filmoù kemmañ

Notennoù kemmañ

  1. Lemper, Ute. Unzensiert. Berlin: Henschel, 1995. ISBN 9783894872137
  2. He buhez e lec'hienn Decca Music Group
  3. Bayer Records: BR 100 018
  4. CBS Records 460493
  5. Decca/PolyGram Records 425 204
  6. CBS Records 462585
  7. CBS 651425
  8. Polydor/PolyGram Records 847 642
  9. Polydor/PolyGram Records 843 648
  10. Decca/PolyGram Records 425 227
  11. Mood Records 6392
  12. Red Moon/WEA 3984-27075


Liammoù diavaez kemmañ