Vanessa

Vanessa zo un anv-badez saoznek roet d'ar merc'hed. Ijinet e vefe bet gant ar skrivagner iwerzhonat Jonathan Swift diwar Van, eus anv e vignonez Esther Vanhomrigh (1688-1723) hag he berranv Essa, un hipokoristek eus Esther. Moulet e voe an anv Vanessa evit ar werch kentañ e 1726 e barzhoneg Swift "Cadenus and Vanessa", ur varzhoneg emvuhezskridel skrivet e 1713 ha moulet tri bloaz goude marv Esther Vanhomrigh hepken.

Ar 7vet anv merc'hed ar muiañ roet e oa Vanessa en Alamagn er bloavezhioù 1990. An 71vet ar muiañ roet eo bet er Stadoù-Unanet e 2007.

Adstumm

• Venessa
• Nessa ha kalz berranvioù all e saozneg

Tud

Vanessa-Mae

• Vanessa Bell (1879-1961), livourez saoz, c'hoar da Virginia Woolf.
• Vanessa Redgrave, ganet e 1937, aktourez saoz.
• Vanessa Paradis, ganet e 1972, kanerez c'hall.
• Vanessa da Mata, ganet e 1976, kanerez ha skrivagnerez vrazilian.
• Vanessa Incontrada, ganet e 1978, aktourez italian.
• Vanessa Ferlito, ganet e 1980, aktourez stadunanat.
• Vanessa Minnillo, ganet e 1980, aktourez stadunanat.
• Vanessa Mai, ganet e 1992, kanerez alaman.
• Vanessa-Mae (g. e 1978), biolinourez saoz.

Amprevan

• Vanessa, ur genad balafenn anvet gant al loenoniour danat Johan Christian Fabricius e 1807.

Oberennoù

Vanessa, gant John Everett Millais, 1868, Sudley House, Liverpool.

C'hoarigan :

• Vanessa, gant Samuel Barber.

Film :

• Vanessa, gant René Cardona Jr.

Taolenn :

• Vanessa, un daolenn e 1868 gant John Everett Millais, mennet da poltrediñ Esther Vanhomrigh, mignonez da Jonathan Swift a ijinas an anv Vanessa eviti.