Vogouleg

Ur yezh finnek-ougrek eo ar vogouleg pe mansieg (vogouleg: voguli, rusianeg: Мансийский язык, Вогульский язык) komzet gant tro-dro da 4.000 den (1970) e C'hantia-Mansia a-hed ar Stêr Ob hag e lec'hioù zo eus Sverdlovsk Oblast e Rusia.

Meur a rannyezh ez eus, diheñvel-tre an eil diouzh eben, en o zouez ar rannyezh hag a dalvez da yezh unvan, ar sosveg.

Skrivet eo bet ar mansieg abaoe ar bloavezhioù 1930 gant al lizherenneg kirillek.