Willy Vandersteen

Willy Vandersteen, anv klok Willebrord Jan Frans Maria Vandersteen (15 a viz C'hwevrer 1913 en Antwerpen – 28 a viz Eost 1990 en Edegem^[1]) a oa un treser hag ur senaroour bannoù-treset flandrezat. Ouzhpenn e anv ec'h implijas tri anv-pluenn a implijas ivez : Kaproen, Wil ha Wirel.

Dindan hanter-kant vloaz e lakaas embann ouzhpenn mil albom, a denn da 25 rummad disheñvel, hag a voe gwerzhet ouzhpenn 200 milion a skouerennoù anezho^[2]. Gantañ eo bet krouet Studio Vandersteen ivez. Gant ar studio e kendalc'h lod eus ar rummadoù krouet gantañ. Asambles gant Marc Sleen ez eo gwelet evel unan eus diazezerien ar bannoù-treset e Flandrez^[3].

Suske en Wiske eo an harozed vrudetañ bet ijinet gantañ. Hiziv an deiz e vez gwerzhet 5 milion a skouerennoù ar bloaz^[4]. Harozed all krouet gantañ evel De Rode Ridder ha Bessy a zo brudet ivez.

Notennoù

Liammoù diavaez

[1] ttp://www.slimweg.be/images/willy-vandersteenpad_tcm9-13737.pdf (rann: "Biografie")

[2] ttp://www.lalibre.be/culture/cinema/article/517307/bob-et-bobette-new-look.html

[3] ttps://web.archive.org/web/20120207025321/http://www.stripspeciaalzaak.be/Toppers/BelgenTop100/26_SW_EilandAmoras.htm

[4] ttp://www.actuabd.com/Bob-et-Bobette-se-separent-de-leur-dessinateur

[1]

[2]

[3]

[4]