Jafrez

Jafrez (skrivet ivez Jaffre), zo un anv-badez brezhonek, deuet eus ar galleg Geoffroi. Un anv-tiegezh eo deuet da vezañ ivez.

Gerdarzh kemmañ

Kar e vije an anv da Godefroy, deuet eus an anv alamanek Godfried. Neuze, (met dizemglev zo war ar poent-se) e vije savet gant Fried, peoc'h, ha God, doue.

Istor kemmañ

Degouezhet eo an anv e Breizh en X^vet kantved. Geoffroy e oa anv Jafrez Iañ (kont Anjev), a zimezas e verc'h Ermengarde d'e amezeg Konan Iañ, dug Breizh. Ur mab a voe ganet, ha roet dezhañ anv e dad-kozh. Ha kont Roazhon e voe Jafrez vihan, evel e dad pa oa yaouank, ha dug war-lerc'h e dad, hag anavezet evel Jafrez Iañ a Vreizh.

E yezhoù all kemmañ

latin : Galfridus, Gaufridus, Goffridus, Gaudfridus
galleg : Geoffroy, Geoffroi, Geoffrey, Godefroy, Jeoffrey, Jeoffroy, Joffrey ha Joffroy
normaneg : Gaufrey, Goffrey
saozneg : Geoffrey, Jeffrey, Jeffery, Jeffry, Geoff, Jeff, deuet eus an normaneg
- diwar an anv-se e teu an anv-tiegezh Jefferson, deuet da vezan un anv-badez e SUA
okitaneg : Jaufré
spagnoleg : Godofredo
katalaneg : Guifré
alamaneg : Gottfried

Anv-familh kemmañ

Implijet eo Jaffrez (stumm leonek), ha Jaffre evel anv-tiegezh. Anaout a reer ivez eilstummoù evel Jaffrennou, Jaffrezou.

Tud kemmañ

Belgia kemmañ

Jafrez Bouillon, dug Bouillon.

Breizh kemmañ

Job Jaffre, kelaouenner ha skrivagner brezhonek
Frañsez Jaffrennou, saver Bro gozh ma zadoù
Gérard Jaffrès, soner
Julien Jaffrès, e vab, gitarour rock keltiek

Duged Breizh kemmañ

Daou zug zo bet e Breizh en anv-se :
- Jafrez Iañ (? - 1008), anvet diwar-lerc'h e dad-kozh, Jafrez Iañ (kont Anjev),
- Jafrez II (1158 - 1186), mab d'ar roue saoz Herri II, ha breur d'ar roueed saoz Richarzh Iañ ha Yann Dizouar.