Plougêr
Plougêr a zo ur gumun a-wezhall eus Breizh e departamant Penn-ar-Bed. E kumun Karaez-Plougêr emañ bremañ.
Brezhoneg kemmañ
Ar Brezoneg er Skol kemmañ
- 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol[1].
Istor kemmañ
Orin ha gerdarzh kemmañ
- Plouger a oa ur barrez gwechall e Kerne. Dont a ra an anv eus plou ha kêr (parrez ar gêr vras pe parrez ar c'hastell, eta).
Krennamzer kemmañ
- Er barrez-se e oa meur a drev, er Grennamzer : Karaez, Sant-Kijo ha Trefrin. Hervez istorourien zo e oa enni ivez Trabrivan, ar Vouster ha Mêl-Karaez, met n'eo ket sur e vije bet ken bras-se[2]. Da sant Pêr e oa gouestlet iliz parrez Plougêr, anvet ivez parrez Plougêr-Karaez.
XVIIvet kantved kemmañ
- Emsavadeg ar Bonedoù ruz: un digoll a 1 500 lur a voe paeet gant ar barrez d'an Aotrou Le Moyne de Trevigny goude tagadenn e gastell e Sant-Hern d'an 11 a viz Gouere 1675 e-pad an emsavadeg[3].
Dispac'h Gall kemmañ
- 1790: dont a reas Plougêr da vezañ ur gumun, distag diouzh kumunioù Karaez ha Trefrin.
- Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant ar person, Blanchard e anv, Colin ha Boulin, kureed, Gallois, Colignon ha Veller, menec'h[4].
XXvet kantved kemmañ
Brezel-bed kentañ kemmañ
- Mervel a reas 62 waz eus ar gumun abalamour d'ar brezel,da lâret eo 5% eus ar boblañs e 1911[5].
Eil brezel-bed kemmañ
- Mervel a reas eizh den ag ar gumun abalamour d'ar brezel[6].
Stagidigezh kemmañ
- E 1956 e oa bet bodet Plougêr gant Karaez evit mont d'ober kumun nevez Karaez-Plougêr.
Notennoù ha daveennoù kemmañ
- ↑ Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 265, Kemper, Nouvelles Éditions Bretonnes, 1936
- ↑ Erwan Vallerie, Communes bretonnes et paroisses d'Armorique, Beltan 1986, p. 190
- ↑ Arthur Le Moyne de La Borderie, La Révolte du Papier Timbré advenue en Bretagne en 1675, adembannet e Les Bonnets Rouges, Union Générale d'Éditions (dastumadeg 10/18), Pariz, 1975 (e galleg), pajennoù 106-109
- ↑ Kristof Jezegoù, Hor Bro e-pad ar Revolusion, Ti-moullañ Ar Bobl, Karaez, 1915, pajenn 43
- ↑ Monumant ar re varv e bourc'h Karaez
- ↑ Memorial Genweb