Amerikaneg

An amerikaneg zo un anv brezhonek hag a vez graet a-wechoù eus saozneg Stadoù-Unanet Amerika (US English e saozneg), ar yezh muiañ komzet er vro-se, daoust ma n'eo ket yezh ofisiel.

Ar ger

Ganet e 1954

• "Rak-se ne vez mui komzet er c'hêrioù evel Glaschu pe Din-Edin, nemet ur c'hemmeskaj na deo na skoseg, na saozneg, kentoc'h un amerikaneg fall seurt a vez brudet gant ar filmoù." (David Murison, Lallans, troet gant Per Denez, Al Liamm niv. 19, Meurzh-Ebrel 1950, p. 52)

Kentañ roud eus ar ger a oa e 1954, dindan pluenn Per-Jakez Heliaz. Ne voe ket adkemeret ar ger diouzhtu.

Setu perak n'eus roud ebet eus ur skrid lennegel stadunanat a vefe "troet diwar an amerikaneg" e-barzh Gwalarn. E 1925, eo diwar ar saozneg e oa bet troet Ar Skarbouklenn Vras, kontadenn Natahaniel Hawthorne gant Youenn Drezen.

Ken nebeut all e-barzh Al Liamm : "diwar ar saozneg" eo ez eus bet troet un danevell gant Hemingway, ha "diwar saozneg Amerika" unan all gant Faulkner.

Menegoù all

Skouerioù eus implij ar ger a gaver:

• e levrioù zo:
  • e 1979: e-barzh Ar 7 Boullenn Strink (Troioù-kaer Tintin)
  • e 2012 e Bed ZH, gant Paol ar Meur;
• e kelaouennoù zo:
  • div wech da nebeutañ, e 1950 hag e 1964, e-barzh Al Liamm ;
  • 33 gwech da nebeutañ, e 1967, 1972, 1997, 1998, 1999, 2000, 2001, 2004, 2006 ha 2016, e-barzh Lavar ;
  • ur wech, e 1977, e-barzh Emsav ;
  • div wech, e 2003 ha 2014, e-barzh Hor Yezh;
  • ur wech e 2007, e-barzh Al Lanv.
  • ur wech, e 2013, e-barzh Ya!;
• e lec'hiennoù zo:
  • e 2014 e lec'hienn Ofis ar Brezhoneg, en ur bajenn ma'z eus anv eus daou skrivagner stadunanat:
    • an eil, Stephen King, a skriv saozneg,
    • hag egile, John Steinbeck a skriv amerikaneg, pa'z eo anat e skrivont er memes yezh.

Er geriadurioù

• E Geriadur ar Stlenneg, e 1995, er pennadoù 2354, 2626 ha 2777.
• E Geriadur Ménard, e 2012.
• Meneget eo bet goude en geriadur Gérard Cornillet enlinenn.

Menegoù all

• E katalog levraouegoù Diwan e lenner, diwar-benn ar memes levr : Troet diwar an amerikaneg ha Yezh orin : Saozneg (eng).
• Kavout a reer ar ger ivez war un t-shirt embannet gant Yoran Embanner : Perak deskiñ amerikaneg ? Warc'hoazh e vo komzet brezhoneg gant ar bed a-bezh. Anat eo ez eo un doare gwelloc'h da vrudañ ar ger eget en ul levr.

Amerikanek

Diwar ar ger amerikaneg ez eus bet savet gerioù all:

• An anv-gwan amerikanek a zo bet meneg anezhañ ivez.
• An anv-kadarn amerikanegadur, e Geriadur Ménard evit treiñ unan eus sterioù ar ger gallek "américanisme", hag a dalv kement ha tro-lavar amerikanek, disheñvel diouzh re ar saozneg saoz eta. Evit sterioù all ar ger gallek, gwelout amerikanegezh hag amerikanouriezh.

Stadunaneg

Ar ger stadunaneg zo bet implijet en ur blog ivez gant Sav-Heol.

Bevennoù en implij

• E saozneg, ne lar ket Stadunaniz e komzont American (amerikaneg), met saozneg, a-wechoù American English, saozneg amerikan, saozneg eta, evel ma vez komzet saozneg en Aostralia, Kanada, hag Iwerzhon.
• An American Language Center, e Marrakech da skouer (11 all zo e rouantelezh Maroko), n'eo ket ur greizenn ma kelenner amerikaneg, met ur greizenn amerikan ma kelenner saozneg, hervez lec'hienn ar greizenn hec'h-unan.
  • Koulskoude e c'haller kavout skouerioù kontrol: gant Saozon, evel ar skrivagner saoz (ganet e Kembre, bet o chom bloaz e SUA) Martin Amis.
  • Ur ganaouenn I can speak American gant al laz saoz The Screaming Blue Messiahs.
• Ral eo klevout, e brezhoneg, anv a lennegezh amerikanek, pe a ganaouennoù amerikanek, pa ne gomzer peurliesañ nemet eus oberennoù saoznek. Ne vez ket troet oberennoù Mark Twain pe Stephen King, na filmoù Woody Allen, na kanaouennoù Bob Dylan, e saozneg evit lennerien Bro-Saoz: e saozneg int bet skrivet pe savet.
• Un arroudenn :

We have really everything in common with America nowadays except, of course, language.

– Oscar Wilde

Pennadoù kar

• Saozneg SUA