Émilie du Châtelet

Gabrielle Émilie Le Tonnelier de Breteuil, markizez ar Châtelet, anvet peurvuiañ Émilie du Châtelet (Pariz, 17 a viz Kerzu 1706 – Lunéville, dugelezh Loren, 10 a viz Gwengolo 1749) a oa ur vatematikourez ha fizikourez c'hall, ha pried-kleiz ar skrivagner gall Voltaire. Brudet eo he zroidigezh d'ar galleg eus Principia Mathematica Isaac Newton.

Poltred gant Quentin de La Tour

He buhez

Gabrielle Émilie Le Tonnelier de Breteuil a oa merc'h da Louis Nicolas Le Tonnelier, baron Breteuil, ha da Gabrielle Anne de Froulay. Deskiñ a reas latin gant he zad, hag a-hend-all gregach hag alamaneg, un deskadurezh oet ral d'ar merc'hed. Seniñ ha kanañ a rae. Saloñs a oa ganto er gêr e Pariz, ma veze resevet Fontenelle hag ar barzh Jean-Baptiste Rousseau.

D'he 16 vloaz e voe kinniget gant he zad e lez ar Rejant Philippe d'Orléans (1674-1723), ha plijout a reas dezhi ar vuhez-se ma stagas da verniañ saeoù ha boteier, ha bravigoù.