500 Miles
500 Miles, anavezet ivez evel 500 Miles Away from Home pe Railroaders' Lament, zo ur ganaouenn saoznek savet gant ar ganerez stadunanat Hedy West, ha brudet er bloavezhioù 1960. Kaoz zo enni eus un den pell bras diouzh ar gêr, diarc'hant, ha re vezhek evit distreiñ.
Istor
kemmañSavet eo bet gant ar ganerez Hedy West (1938-2005)[1]. Awenet e vefe bet gant kanaouennoù koshoc'h, klevet digant he mamm-gozh, ha diazezet eo "500 Miles" a-hervez war tonioù biolin (fiddle) anvet "Reuben's Train" ha "Train 45".
Kanerien
kemmañ
- E 1961, kentañ enrolladur anavezet, hini The Journeymen[2].
- E 1962 e voe enrollet div wech :
- gant Kingston Trio en o albom College Concert, savet betek 3de renk ar gwerzhioù er vro;
- gant Peter, Paul and Mary, en o albom kentañ[3];
- E 1963 e voe enrollet div wech ivez :
- gant Hedy West a-benn ar fin, er bladenn : Hedy West accompanying herself on the 5-string banjo[4]
- gant Bobby Bare, gant komzoù nevez[5];
- E 1964 gant Dick and Dee Dee en o albom Turn Around.
- E 1964 e voe kanet gant Hedy West en Newport Folk Festival e 1964,
- E 1965 gant Sonny & Cher en o albom Look at Us.
- Un tamm mat eus ar c'homzoù a adkaver er ganaouenn "I Was Young When I Left Home" gant Bob Dylan.
- E 1989 eo bet kanet gant The Hooters o devoa astennet ar ganaouenn dediet da vanifesterien Tiananmen pa ganent "A hundred tanks along the square, one man stands and stops them there. Some day soon, the tide will turn, and I'll be free."
- A-hend-all eo bet enrollet ivez gant ar Brothers Four, Glen Campbell, Johnny Rivers, Reba McEntire, Jackie DeShannon, The Seekers, The Shadows, Elvis Presley[6] , The Highwaymen, The Seldom Scene, Nick Cave, Richard Anthony, Franco Battiato, Rosanne Cash, Bad Astronaut, Peter and Gordon, Eric Bibb, Hootenanny Singers, the innocence mission, Joan Baez, Takako Matsu, Justin Timberlake, The Persuasions , Teske ha kalz a re all[7] Hag ivez gant Justin Timberlake, Carey Mulligan ha Stark Sands evit ar film Inside Llewyn Davis.[8].
Yezhoù all
kemmañKanet eo bet e meur a yezh : alamaneg, galleg, japaneg...
E galleg e oa savet ar skrid gant Jacques Plante. Berzh kenañ a reas doare Richard Anthony ("Et j'entends siffler le train") e 1962, ha divrud e chomas an doareoù enrollet gant Serge Gainsbourg hag Hugues Aufray.
Liammoù diavaez
kemmañ- Istor ar ganaouenn hervez Le Monde
- Komzoù e lec’hienn ofisiel Peter, Paul and Mary
Notennoù
kemmañ- ↑ Kanet gant Hedy West: [1] hag e Newport e 1964, gant ar c'homzoù orin, krennet gant ar ganerien all : www.youtube.com/watch?v=mnYKp9R86nI.
- ↑ Kanet gant The Journeymen: [2]
- ↑ Kanet gant Peter, Paul and Mary, [3]
- ↑ Ar bladenn (Vanguard VRS-9124, 1963)
- ↑ Kanet gant Bobby Bare :[4]
- ↑ Kanet amañ gant Elvis Presley : [5]
- ↑ Hedy West | Songs. AllMusic. Kavet : 2016-09-26.
- ↑ Inside Llewyn Davis – Original Soundtrack Recording [LP] | Nonesuch Records - MP3 Downloads, Free Streaming Music, Lyrics (2013-11-11). Kavet : 2016-09-26.