Adriana Calcanhotto
Adriana da Cunha, pe Adriana da Cunha Calcanhotto, ganet e 1965 e Porto Alegre, zo ur ganerez ha sonaozourez vrazilian. Kanañ a ra samba, bossa nova, kenkoulz evel rock pe kanaouennoù bugale.
.jpg)
He buhez
kemmañAdriana zo merc'h d'un tabouliner jazz, Carlos Calcanhotto, a orin italian, eus Volpago del Montello e proviñs Treviso (adskrivet eo bet an anv orin Calcagnotto en doare portugalek), ha kelennerez korfembregerezh ha korollerez e oa he mamm, Morgada Assumpção Cunha.
Da c'hwec'h vloaz e oa bet roet ur violin dezhi gant he zad-kozh, ha hi da gregiñ da seniñ ha da ganañ. Levezonet eo bet gant an MPB, hag al lennegezh vrazilian vodern, ha dreist-holl ar Movimento antropofágico savet gant Oswald de Andrade, Tarsila do Amaral ha re all.
Prizioù
kemmañDiv wech he deus bet ur Priz Grammy Latino, roet abaoe 2000, da arzourien Amerika Latin:
- e 2006 gant an albom Adriana Partimpim, evit bugale;
- e 2010 gant Tua (kanaouenn Maria Bethânia), gwellañ kanaouenn vrazilian..
He fladennoù
kemmañ
- 1990 : Enguiço
- 1992 : Senhas (1992)[1]
- 1994 : A Fábrica do Poema (1994)
- 1998 : Maritmo
- 2000 : Público [sonadeg]
- 2002 : Cantada
- 2003 : Perfil[2]
- 2004 : Adriana Partimpim [evit ar vugale]
- 2008 : Maré
- 2009 : Partimpim Dois [evit ar vugale]
- 2011 : O Micróbio do Samba, diwar-benn ar samba; an holl ganaouennoù ganti war-bouez "Beijo sem" gant Teresa Cristina ha "Vai saber?" gant Marisa Monte. Brudet e voe ar bladenn e-kerzh he zroiad dre ar vro, anvet "Trobar Nova"[3].
- 2012 : Partimpim Tlês [evit ar vugale]
- 2014 : Olhos de Onda
- 2015 : Loucura
Buhez prevez
kemmañE-pad 25 bloaz he deus bevet gant Suzana de Moraes (1940- 2015), merc'h d'ar sonaozour Vinícius de Moraes, marvet gant ar c'hrign-bev.
Liammoù diavaez
kemmañ- Lec'hienn : https://web.archive.org/web/20150820011714/http://www.adrianacalcanhotto.com.br/loucura/index.html
- Pajen Adriana Partimpim : http://www.adrianapartimpim.com.br/tles/index.html
- O kanañ jazz : Já Reparô? [1]
- Adriana ha susana moraes : [2]