Aleksandr Veur

Aleksandr Veur (henc'hresianeg : Μέγας Ἀλέξανδρος, Megas Alexandros) pe Aleksandr Makedonia , pe Alesant Veur (henc'hresianeg : Ἀλέξανδρος Γ' ὁ Μακεδών Aléxandros o Makedốn), ganet e miz Gouere -356 ha marvet d’an 10 a viz Mezheven -323) zo unan eus rieien vrudetañ an Henamzer.

Eilenn eus un hanterskeudenn c'hresian eus Aleksandr Veur, British Museum

Aleksandr Veur war e varc'h Bukefalos
Lodenn eus ar vozaikenn roman eus Pompeia a ziskouez an emgann etre Aleksandr Veur ha Darios Patrom:III, er Museo Nazionale di Napoli

Mab e oa da Fulup Makedonia ha d'ar briñsez Olimpias.
Deuet da vezañ roue Makedonia e -336 e aloubas Impalaeriezh an Ac'haemenided divent hag e kasas e arme betek glann an Indus. Sevel kalz kêrioù a reas ivez, en o zouez kêr Aleksandria e -331.

Buhez

Ganet e oa Aleksandr e Pella, kêr-benn Makedonia, e miz Gouere 356 a-raok J.K.

Desket e voe gant ar prederour Aristoteles.

E -338, oadet 18 vloaz, e kemeras perzh gant e dad en Emgann C'haeronea. Daou vloaz war-lerc'h, e [[-336], e voe drouklazhet e dad.

Goude euredoù Susa ma oa bet dimezet gant Stateira, merc'h Darius, roue Persia, e varvas diwar an derzhienn en ur ober dek devezh hepken, d'an 10 a viz Mezheven 323.

Aloubadeg

Goude marv Fulup Makedonia, Aleksandr a gendalc'has mennad e dad : unvaniñ Henc'hres dindan ur galloud hepken, gant Makedonia ha holl geodedoù Gres, nemet Sparta. Buan-tre e c'hounezas e impalaeriezh, ha goude un emgann gwadek e tizhas ar stêr Ganga en Indez, a oa bevenn "ar bed anavezet".

Impalaeriezh Aleksandr Veur

Pennadoù kar

• Apelles
• Tais
• Euredoù Susa

Levrlennadur

• Green, Peter ; Alexander of Macedon: 356-323 B.C. A Historical Biography ; Berkeley & Los Angeles : University of California Press, 1991.