Allgäu
rannvro eus Bro-Alamagn
Allgäu (distaget ˈalɡɔʏ̯) zo ur c'horn-bro eus kreisteiz Alamagn, a-c'haoliad war mervent Bavaria ha gevred Baden-Württemberg. Treuzet eo ar vroig-se gant ar stêrioù Lech hag Iller.
Brudet eo bro Allgäu evit he boued-laezh, evel an Hirtenkäse (fourmaj ar mesaer) hag ar Bergkäse ("fourmaj ar menez"). Kalz touristed a zeu da welet ar vro ivez. Al lodenn greisteiz eus ar vroig zo enni menezioù ouzhpenn 2000 metr uhelder (Alpoù). Emañ Kastell Neuschwanstein e reter Allgäu.