An Intañvez yaouank

An Intañvez yaouank zo ur fablenn vrezhonek, a orin italian, diwar-benn ur wreg nevez intañvezet. Brudet eo bet e galleg gant Jean de La Fontaine, ha lakaet e brezhoneg gant Eozen Kombod en XIXvet kantved.

Ar Fablenn

En un digoradur hirik, pemzek gwerzennad anezhañ, e lavar ar barzh ez eus kemm etre un intañvez vloaz hag an hini a-veac'h he deus un deiz c'hoazh. Goude e teu an istor, a-hed teir gwerzenn ha tregont.

Ur wreg yaouank a varv he fried diganti, ha hi prest da vont d'e heul. He zad a lavar dezhi paouez da leñvañ : Re e leñvit, va Merc'h. Hag e kinnig dezhi kregiñ da soñjal en ur pried all. Hi avat ne fell ket dezhi klevout seurt kaoz.

Tamm-ha-tamm e krog da wiskañ dilhad brav ha da vont d'an dañsoù. An Tad ne lavar tra, ha hi neuze: E pelec'h emañ 'ta an ozhac'h yaouank-se, lavaras-hi, ho poa komzet din-me?

Istor

Kentañ ma voe embannet a oa e 1492 en dastumad latin Hecatomythium, gant Laurentius Abstemius^[1].
Ur pennadig goude, war-dro 1530, e voe kavet el levr saoznek Merry Tales and Quick Answers^[2].
Er XVIIvet kantved e voe lakaet
- e galleg gant Jean de La Fontaine en e levr Fables de La Fontaine (VI.21^[3]).
- e saozneg, e 1692, gant Sir Roger L'Estrange en e levr Fables of Aesop and Other Eminent Mythologists, ennañ oberennoù eus Aesopos hag eus Abstemius^[4].
E 1754 e voe troet e saozneg fablenn La Fontaine gant Charles Denis en e Select Fables^[5].
En XIXvet kantved
- neuze e voe lakaet e brezhoneg gant Eozen Kombod, hogen ne voe ket embannet.
- e Fantastic Fables^[6] gant Ambrose Bierce, e 1899, ma oa anvet The Inconsolable Widow. Pellaet un tamm eo an istor diouzh ar stumm orin.
Er XXIañ e voe embannet e brezhoneg el levr Fablennoù Jean de la Fontaine.

Embannadur brezhonek

E Fablennoù Jean de la Fontaine e 2005.

Filmoù

La vedova inconsolabile ringrazia quanti la consolarono (1973)
The incosolable widow, filmig saoznek diwar kontadenn Bierce^[7]

Sonerezh

Ar fablenn kanet e galleg : https://www.youtube.com/watch?v=I1eKeq4NlxY.

Notennoù

↑ http://aesopus.pbworks.com/w/page/1471393/abstemius014
↑ Google Books fable x
↑ http://www.la-fontaine-ch-thierry.net/jeunvve.htm
↑ Skrid Roger l'Estrange: http://mythfolklore.net/aesopica/lestrange_abstemius/14.htm
↑ Select Fables pp.156-9
↑ Skrid al levr
↑ Filmig saoznek

[1] ttp://aesopus.pbworks.com/w/page/1471393/abstemius014

[2] Google Books fable x

[3] ttp://www.la-fontaine-ch-thierry.net/jeunvve.htm

[4] Skrid Roger l'Estrange: http://mythfolklore.net/aesopica/lestrange_abstemius/14.htm

[5] Select Fables pp.156-9

[6] Skrid al levr

[7] Filmig saoznek

[1]

[2]

[3]

[4]

[5]

[6]

[7]