Angèle (kanerez)

Angèle Joséphine Aimée Van Laeken, lesanvet Angèle, bet ganet d'an 3 a viz Kerzu 1995 en Uccle (Bruxelles), a zo ur skrivagnerez-sonerez-kanerez, sonerez, produerez, aktourez ha manequin velgiat a gan e galleg.

Angèle e gouel an Erer kozh e 2018

He albom kentañ, Brol, deuet er-maez e miz Here 2018 ha testeniekaet pladenn diamant doubl, a voe gwerzhet ouzhpenn 500 000 skouerenn anezhi en unnek mizvezh kentañ goude bezañ deuet er-maez, ha tizhet en doa evel-se plas kentañ gwerzh an albomoù e Frañs evit ar bloavezh 2019. E 2021 e teuas er-maez he albom Nonante-cinq, a reas berzh ivez.

E 2020 he deus gounezet Trec'h ar sonerezh e sonadeg ar bloaz evit he « Brol Tour » E 2022 anvet e oa bet da Arzourez c’hallek ar bloaz ha goude-se, ar bloaz war-lerc’h, e c'hounezas trofe Arzourez ar bloaz hag an albom skignet ar muiañ eus ar bloavezh.

Diskouez a reas mat an traoù en ur ganañ ambrouget gant ar strollad Phoenix ha Kavinsky an titl Nightcall da-geñver klozañ C'hoarioù Olimpek Pariz e 2024. Gant an abadenn-se ez eus bet tapet rekord ar sonerezh brudetañ en istor dindan 1 vunutenn gant an arload Shazam.