Belgia

Unaniezh Europa
Koninkrijk België; Royaume de Belgique; Königreich Belgien
; ;
Banniel Belgia	Skoed ardamez
	Ger-stur; Eendracht maakt macht (nl); L'union fait la force (fr); Einigkeit macht stark (de)
Yezhoù ofisiel	nederlandeg, galleg, alamaneg
Kêr-benn	Brusel
Statud politikel	Rouantelezh vonreizhek
Dizalc'hiezh; embannet; anavezet	(diouzh an Izelvroioù) ; 4 a viz Here 1830 ; 19 a viz Ebrel 1839
Roue	Fulup Belgia
Kentañ Ministr	Bart De Wever
Gorread; -En holl ; -% dour	; 32 545 km² ; 6,2%
Poblañs ; - 2024 war-dro; - Stankter ar boblañs	; 11 763 000 ; 383/km²
Moneiz	Euro (EUR)
Kan broadel	Brabançonne
Devezh ar vro	21 a viz Gouere
Kod war ar Genrouedad	.be
Kod pellgomz	32

Ur stad eus Europa eo Belgia (e nederlandeg: België, galleg: Belgique, alamaneg: Belgien) pe, hervez e anv leun, Rouantelezh Belgia. E kornaoueg ar c’hevandir emañ, etre Mor an Hanternoz er gwalarn, an Izelvroioù en norzh, Alamagn ha Luksembourg er reter, ha Frañs er su hag er mervent.

Anvet oa Belgia, rouantelezh an izel-vroioù ha dugelezh meur al luksembourg er XVvet- XVII vet kantved, dindan an anv Izel-vroioù, rannvro a glote gant un tiriad un tamm mat brasoc’h eget ar Benelux a-vremañ, rak rannvroioù evel Lille, Arras, Douai Valenciennes, Montmédy, pe c’hoazh Thionville a oa ul lodenn anezho. Kaezar en doa graet Gallia Belgica, gant Trèves da gêrbenn.

Ur greizenn genwerzh, sevenadurel, ha politikel a oa eus fin ar grennamzer betek an XVIIvet kantved ha liesetnel. Eus ar XVI vet kd betek ar reveulzi belch e 1830, pa voe savet disrann diouzh an Izel-vroioù, tiriad Belgia a voe tachenn emgann un toullad krogadoù. Diplomatek e oant peurvuiañ, etre galloudoù european a-bep seurt, evit-se e voe graet talbenn emgannioù Europa anezhi. Da vare ar reveulzi industriel, e kemeras perzh Belgia hag e voe eil galloud industriel ar bed, goude bro Saoz e-pad tost d’ur c’hantved. Derc’hel a reas meur a drevadenn en Afrika, Angola da sk.

Eil hanterenn an XXvet kantved a voe merket gant bec’hioù etre flamaned ha Walloned, abalamour d’an div yezh ha d’an diorren ekonomikel dizingal eus an div rannvro. Diwar ar c’hudennoù se ez eus savet meur adreizhadennoù meur.