Wallonia

Wallonia zo ur rannvro eus Belgia (e galleg: Wallonie, e walloneg: Walonreye). Rannvro Wallonia a vod an darn vrasañ eus gallegerien Belgia, war-bouez re Vrusel. E Rannvro Wallonia ez eus ivez alamanegerien a ya d'ober Kumuniezh alamanek Belgia. Ar galleg eo ar yezh ofisiel, nemet er Gumuniezh alamanek eo an alamaneg. Yezhoù rannvroel zo anavezet gant al lezenn : ar walloneg eo an hini pennañ anezho, e-kichen ar pikardeg er c'hornaoueg, al luksembourgeg er gevred...

Banniel Wallonia

Lec'hiadur Wallonia e Belgia

Emañ Parlamant ha gouarnamant Rannvro Wallonia e Namur. Renet eo ar gouarnamant-se, abaoe miz Gouere 2007, gant Rudy Demotte.

Galloudoù ar Rannvro zo displeget e bonreizh Belgia. Plediñ a ra Rannvro Wallonia gant aozañ an tiriad, an endro, gwarez an natur, al lojeiz, an dour, an energiezh hag an implij.

Proviñsoù Rannvro Wallonia

Proviñsoù Wallonia

1. Brabant Wallonia
2. Hainaut
3. Liège
4. Luksembourg
5. Namur

Traoù all

Kêrioù: La Louvière, Mons, Liège, Charleroi, Namur

Poblañs: 3 380 000 (2004)

Poltriji

• 
  Ar Semois, pont kozh ha kastell-kreñv Bouillon.
• 
  Liorzh abati gozh Cambron-Casteau.
• 
  Roc'h Bayard e Dinant gwelet eus Anseremme.
• 
  Kastell-meur Namur.
• 
  Mirdi Curtius Liège.
• 
  Iliz-chabistr Sant-Waudru e Mons.
• 
  Liorzhoù kasino Spa.
• 
  Tosenn tachenn emgann Waterloo.