Anita Berber

Anita Berber (10 a viz Even 1899 e Leipzig - 10 a viz Du 1928 e Kreuzberg, Berlin) a oa un dañsourez, aktorez, skrivagnerez ha gast alaman da vare Republik Weimar. Livet e voe he foltred gant Otto Dix.

Penn-kentañ he buhez

Ganet e voe e Leipzig. Dispartiet e oa he zud, ha desavet e voe gant he mamm-gozh e Dresden. Pa oa 16 vloaz ez eas da Verlin ma krogas evel dañsourez kabaret. E 1918 e voe aktorez en ur film, hag e krogas da zañsal en he noazh e 1919. Buan e teuas da vezañ brudet e Berlin.^[1]

Brud e Berlin

Berr ha livet e ruz e oa he blev evel ma weler en he foltred (titl : An dañsourez Anita Berber) bet livet gant Otto Dix e 1925. Dañsal a rae gant Sebastian Droste (hag a oa he c'haredig ivez), hag a c'hoarias er film Algol (1920). Pa zañsent ne oant ket gwisket kalz.^[1] Ouzhpenn he dañsoù ez eo hec'h emzalc'h foran a voe merzet. Ne guzhe ket e oa divreviadez ha stag ouzh ar c'hokain^[2]. Gwelet e veze alies en he noazh e toulloù-noz pe e letioù Berlin. Ouzhpenn bezañ techet d'ar c'hokain e oa ul lonkerez, met dilezel a reas an dramm hag an alkool d'an oad a 29 bloaz. D'an 10 a viz Du 1928 e varvas en un ospital e Kreuzberg hag e voe douaret e bered Sant Tomaz e Neukölln.

Plakenn da enoriñ Anita Berber ouzh moger Zähringerstraße 13, Wilmersdorf e Berlin, m'edo o chom

Oberennoù diwar-benn Anita Berber

Ar film Anita - Tänze des Lasters sevenet gant Rosa von Praunheim e 1987, a zo diazezet war he buhez.^[3]

Ar strollad sonerien vreizhveuriat Death in Vegas en deus savet un ton anvet Anita Berber, war e bladenn Satan's Circus.

Notennoù

↑ ^1,0 ha^1,1 Glitter & Doom - Anita, mon amour Wound Magazine, miz Du 2007, p150–15, London, ISSN 1755-800X
↑ https://web.archive.org/web/20081230190510/http://www.glbtq.com/arts/berber_a.html glbtq.com, Ruth M. Pettis, 16 a viz Eost 2005
↑ http://www.imdb.com/title/tt0092568/ Anita - Tänze des LastersThe Internet Movie Database

Levrlennadur

Capovilla, Andrea (2001) "Berber, Anita" in: Aldrich, Robert & Wotherspoon, Garry (eds.) Who's Who in Contemporary Gay and Lesbian History: From Antiquity to World War II. New York: Routledge; pp. 50–51
Fischer, Lothar (1996) Tanz zwischen Rausch und Tod: Anita Berber, 1918-1928 in Berlin. Berlin: Haude und Spener
Funkenstein, Susan Laikin (2005) "Anita Berber: Imaging a Weimar Performance Artist" in: Woman's Art Journal 26.1 (Spring/Summer 2005); pp. 26–31
Gill, Anton (1993) A Dance between the Flames: Berlin between the Wars. New York: Carroll & Graf
Jarrett, Lucinda (1997) Stripping in Time: a history of erotic dancing. London: Pandora (HarperCollins); pp. 112–135
"Legendary Sin Cities [series]--Berlin: Metropolis of Vice." Canadian Broadcasting Corporation. www.cbc.ca/documentaries/sincities/berlin.html
Richie, Alexandra (1998) Faust's Metropolis: A History of Berlin. New York: Carroll and Graf
Toepfer, Karl Eric (1997) Empire of Ecstasy: Nudity and Movement in German Body Culture, 1910-1935. Berkeley: University of California Press

Liammoù diavaez

[wound_magazine-1] 1,0 ha^1,1 Glitter & Doom - Anita, mon amour Wound Magazine, miz Du 2007, p150–15, London, ISSN 1755-800X

[2] ttps://web.archive.org/web/20081230190510/http://www.glbtq.com/arts/berber_a.html glbtq.com, Ruth M. Pettis, 16 a viz Eost 2005

[film-3] ttp://www.imdb.com/title/tt0092568/ Anita - Tänze des LastersThe Internet Movie Database

[1]

[2]

[3]