Ann Griffiths
Ann Griffiths (1776–1805) a oa ur varzhez kembraek ha saverez meulganoù kristen.
| Reizh pe jener | plac'h  |
|---|---|
| Bro ar geodedouriezh | Rouaned Breizh-Veur hag Iwerzhon, Rouantelezh Breizh-Veur, Kembre |
| Anv-bihan | Ann |
| Anv-familh | Griffiths |
| Deiziad ganedigezh | Ebrel 1776 |
| Lec'h ganedigezh | Llanfihangel-yng-Ngwynfa |
| Deiziad ar marv | Eost 1805 |
| Lec'h ar marv | Llanfihangel-yng-Ngwynfa |
| Abeg ar marv | puerperal disorders |
| Lec'h douaridigezh | St Michael's Church |
| Yezhoù komzet pe skrivet | kembraeg |
| Yezh implijet dre skrid | kembraeg |
| Micher | hymnwriter, barzh, skrivagner |
| Diellaouet gant | Levraoueg Vroadel Kembre |
Buhez
kemmañGanet e voe Ann Thomas e miz Ebrel 1776 e kêr Dolwar Fechan e parrez Llanfihangel-yng-Ngwynfa, nepell diouzh Llanfyllin e kontelezh kozh Sir Drefaldwyn (bremañ e Powys). Merc’h e oa da John Evan Thomas, labourer-douar ha fabrik, ha d’e wreg Jane. Div c’hoar ha daou vreur he doa.
Desavet e voe Ann er feiz anglikan. E 1794, pa oa 18 vloaz, e varvas he mamm. Treiñ a reas Ann ouzh ar vetodouriezh, da-heul he breudeur, goude klevet prezegennoù Benjamin Jones eus Pwllheli.
Dimeziñ a reas da Thomas Griffiths, ul labourer-douar eus Meifod, metodour eñ ivez. Mervel a reas er gwentloù e miz Eost 1805, d’an oad a 29 bloaz, ha douaret e voe e Llanfihangel-yng-Ngwynfa.
Skridoù
kemmañLezel a reas Ann Griffiths un toullad skridoù kembraek war he lerc’h, hag a voe embannet goude he marv gant ar pastor metodour John Hughes eus Pontrobert hag e wreg Ruth.
En he barzhonegoù e eztaole he feiz kristen ha diskouez a rae he anaoudegezh eus ar Skriturioù sakr. Hi eo brudetañ saverez meulganoù Kembre. Ha hiziv c’hoazh e seller outi evel ur skrivagnerez a-zoare. Skrivet en deus Saunders Lewis, diwar-benn he barzhoneg hirañ Rhyfedd, rhyfedd gan angylion... ("Marvailhus, marvailhus d’an aelez…"), e oa anezhañ "unan eus pezhioù kaerañ barzhoniezh relijiel Europa".
Brudet eo he meulgan Wele'n sefyll rhwng y myrtwydd hag alies e vez kanet e Kembre, war don Cwm Rhondda.
Evel Mari Jones (1784–1864), ur Gembreadez paour hag a gerzhas da gêr Y Bala da brenañ ur Bibl, e teuas Ann Griffiths, e Kembre an XIXvet kantved, da vezañ un harozez evit ar brotestanted.