Anna von Sachsen (1544–1577)

Ur pennad Anna von Sachsen zo ivez.

Anna von Sachsen (Dresden 1544–1577) a oa eil pried ar priñs izelvroat Gwilherm an Tavedeg.
Merc'h e oa d'ar Priñs-dilenner Moritz von Sachsen (1521-1553) ha d'e bried Agnes von Hessen.

He buhez

Ganet e oa e Dresden, hag eno ivez e varvas.
Goude marv he breur Albert (28 Du 1545 – 12 Ebrel 1546) e voe savet evel ar bugel nemetañ, moumounet gant he zud, gant he mamm dreist-holl. Kamm e oa marteze.

Goude marv he zad d'an 11 a viz Gouhere 1553 e voe anvet he breur yaouankoc'h, August von Sachsen (1526-1586), da Zilenner Sachsen.

Ur pennad goude ec'h addimezas he mamm d'an dug Johann Friedrich II von Sachsen (1529-1595) met mervel a reas d'ar 4 a viz Du 1555, c'hwec'h miz goude hec'h eil eured, met n'ouzer ket perak.
Distreiñ a reas an emzivadez 11 vloaz da lez he zad, ma voe lakaet dindan tutorelezh hec'h eontr August hag e bried, Anna Danmark ha Norge. Gouzañv a rae dindan lasoù he moereb.

Eured ha bugale

E 1561 e timezas Anna von Sachsen d'ar priñs izelvroat Gwilherm an Tavedeg.
Pemp bugel o doe :

Anne van Oranje-Nassau (1562–1562) ;
Anne van Oranje-Nassau (1563–1588), a zimezas en 1587 da Willem van Nassau-Dillenburg (marvet e 1620), mab da Jean VI van Nassau-Dillenburg ;
Maurice (1564–1565) ;
Maurice van Nassau (1567–1625), kont Nassau, stathouder Holland, stathouder Zeland eus 1584 da 1625, stathouder Gelderland, Proviñs Utrecht, hag Overijssel eus 1592 da 1625, priñs Orange eus 1618 da 1625, dezhañ besterd, eus lignez Nassau-Leck, noplaet en Breizh-Veur ;
Emilia van Nassau (1569–1629), dimezet e 1597 da Manuel, Priñs Portugal (1568-1638).

Avoultrerez

Prosez

E Gwengolo 1572 e savas klemm dirak lez an impalaeriezh evit difenn he gwirioù arc'hantel.
Dija d'ar poent e oa mennet he c'herent, eus Hessen pe Sachsen, da dreiñ kastell Bilstein en un toull-bac'h, evit an avoultrerez ma oa. D'ar 1añ a viz Here 1572 e voe kaset di, gant he merc'h yaouankañ, a voe tennet diganti tri bloaz goude dre ma oa krog da goll he skiant. Savet e voe ar verc'h he lezvreudeur ha lezc'hoarezed neuze.

Kaoz a voe neuze eus addimeziñ he fried Gwilherm goude ma ne oa ket torret o eured c'hoazh, da Charlotte de Bourbon-Montpensier, merc'h da Louis III de Bourbon, dug Montpensier, ha d'e bried kentañ, Jacqueline de Longwy.

Torret e voe o eured en 1574, ha distreiñ a reas Anna d'he bro.

He marv

E Mae 1577 e krogas Anna da goll gwad dizehan. Mervel a eure d'an 18 a viz Kerzu 1577, a-raok he 33 bloaz. Beziet e voe en iliz-veur Meissen en ur bez dizanv.

Levrlennadur

(en) Hellmut Kretzschmar. Anna: New German Biography. Volume 1, Duncker & Humblot, Berlin, 1953, (ISBN 3-428-00182-6), p. 302
(en) Hans Kruse. William of Orange and Anna of Saxony. A princely marriage tragedy of the 16th Century: Annals of Nassau, 54, 1934, pp. 1–134
(en) Otto Rombach. Anna of Orange. 1960
(en) Martin Spies. The portraits of Anne of Saxony: Annals of Nassau, 116, 2005, pp. 237–248
(de) Hans-Joachim Böttcher : Anna Prinzessin von Sachsen, Dresdner Buchverlag, 2013 (ISBN 978-3-941757-39-4)
(en) Ingrun Mann. Anna of Saxony: The Scarlet Lady of Orange. Winged Hussar Publishing, 2017. (ISBN 978-0996365727).
(nl) Femke Deen: Anna van Saksen. Verstoten bruid van Willem van Oranje. Atlas Contact, Amsterdam 2018. (ISBN 978-9045024721).