Art Basel a zo un abadenn gouestlet d'an arzoù a-vremañ a vez aozet bep bloaz e Basel (Suis) abaoe 1970 (11-16 a viz Even), hag a bad ur sizhunvezh. Er penn-kentañ e oa anvet ART, ha kenaozet eo bet gant Ernst Beyeler[1]. Tro-dro da 60 000 gweladenner a vez, hag unan eus an abadennoù pouezusañ gouestlet d'an arzoù a-vremañ eo[2]. 40vet deiz-ha-bloaz an abadenn a zo bet lidet e 2009.

Un abadenn brudet-mat e-touez an dud a-vicher eo : diwar ar 1 100 perc'henn diskouezva a laka o anv e 2009, ne voe degemeret nemet 300 anezho. Kinnig a reont oberennoù 2 500 arzour disheñvel.[3][4]. Ar re a fell dezho kaout plas da ziskouez labour o arzourien a rank kinnig arzourien vrudet koulz ha re dianv, rankout a reont ivez prouiñ e strivont da vroudañ labour an arzourien hag e kemeront perzh e sevel an oberennoù. [5]

E 2000 e tivizas ar rener, Samuel Keller e anv (hag a zo hiziv an deiz e penn diazezadur Beyeler), aozañ Art Unlimited, un diskouezva ma kinniger an oberennoù brasañ. Unan eus perzhioù dibar Art Basel eo deuet da vezañ. Tro-dro da Art Basel e vez aozet abadennoù all, da lakaat ar gêr da vezañ brudet er bed a-bezh. Abaoe 2002 e vez aozet un abadenn heñvel e Miami, anvet eo Art Basel Miami Beach. En Art Basel 2008 (etre ar 4 hag an 8 a viz Even 2008) e voe kinniget war-dro 5 000 oberenn gant ouzhpenn 2 000 arzour disheñvel. En holl e oa 72 diskouezva eus SUA, 49 eus Alamagn, 35 eus Suis, 29 eus ar Rouantelezh-Unanet ha 22 eus Frañs.

NotennoùAozañ

  1. buhez Ernst Beyeler
  2. "In the lexicon of modern and contemporary art fairs, collectors know that Art Basel is the biggest and the best" (International Herald Tribune, 13 a viz Even 2007, [1]), Simon de Burton : "it is widely regarded as the world's most important annual show of modern art" Financial Times, 26 a viz Mae 2007 [2]
  3. A R T B A S E L - Quarante ans dans la tempête
  4. Art 40 Basel:The 40th anniversary of the premier international art show
  5. http://largeur.com/expArt.asp?artID=2843 A R T B A S E L

Liamm diavaezAozañ